Car amicos, 1. Re le menacia contra le libertate de exprimer se in Internet: Regrettabilemente lo que Kjell scribeva sembla esser un referato correcte del nove lege que ha le scopo de "proteger le nomines de individuos contra esser mentionate sin le permission de iste personas". Io ha hodie inviate a Jan , per posta gastropodic, tres articulos sur iste subjecto. Le prime esseva publicate le 1 de sept. Solmente jornalistas habera le derecto de mentionar nomines de personas. Le criticos emphasa que un tal prohibition es contra le lege constitutional de Svedia e que essera impossibile controlar si scribentes lo observa o disobedi - in le epocha de Internet. A me isto sembla un restrictriction intolerabile del libertate de exprimer se!!! 2. Un puncto linguistic: Le termino pro le "apertessa" (non-existente) in le bureaucratia del Union Europee es "transparentia". 3.. Victor Chernavski ancora contactabile per e-posta: Como vos memora Victor Chernavski, nostre representante juvene e energic in Russia, debeva quitar le lista INTERLNG proque le costos esseva troppo alte. Nonobstante su e-posta functiona e nos pote contactar le per messages personal (preferibilemente breve). Ille es sol in su region distante e merita nostre incoragia- mentos - e si possibile adjuta in forma de libros etc. Su urbe Alapayev es situate proxime a Ekaterinburg (olim Sverdlovsk) in le vicinitate de Siberia. Su adresse electronic: <[log in to unmask]> Io hasta mentionar isto ante le le 24 de octobre, quando io devenirea un criminal si io lo faceva... Salutes amical, Ingvar Ingvar Stenström, Vegagatan 12, S-432 36 Varberg, Svedia Tel. +46-/0/340-15053 <[log in to unmask]> <[log in to unmask]> <[log in to unmask]> <http://www.interlingua.com>