PUL menacia le derecto de parola in le RETE In octobre de 1998 Svedia recipera un nove Lege de datos personal - in svedese nominate Personuppgiftlagen (PUL). Le nove lege interdice que nomine e altere datos personal es publicate in le Internet, si non le caso es que le persona que il concerne ha date su consenso "inequivoc". Isto significa que syndicatos in su sitos e paginas de debatto non habera le derecto criticar personas mentionate per nomine in su sitos del tela (websites) e paginas de debatto. Le pena: Maximalmente imprisionamento de duo annos. Al contrario on face exceptiones pro datos de nomines que "exclusivemente" es publicate pro scopos (fines, objectivos) litterari, artistic e "jornalistic". Differentemente del cive ordinari jornalistas, scriptores e artistas non es in periculo de pena. Un simile typo de leges essera introducite in omne le paises del Union Europee e es fundate in le directivas de datos del Union Europee. Iste sito analysa le consequentias del effectos del nove lege pro le derecto del parola in le rete particularmente pro syndicatos (trade unions, uniones professional) e altere organisationes. Illo etiam da exemplos del effectos del presente lege al communas, le administration local, prendente le communa de Gällivare como exemplo. Iste communa publicava protocollos in le interrete, lo que resultava in illo que le accusator in Luleå* comenciava un investigation preparatori contra responsabile politicos communal. (Le accusator es le adversario del defensor in un causa tribunal. Le judice es le presidente del corte e ha auxiliatores a su latere representante le populo, un specie de juratos, ma illes non es seligite como in le Statos Unite, tal como nos lo ha vidite in films e television. Le accusator face le investigation e decide postea si le causa va esser presentate a un tribunal o esser ponite ad actos. Komm. de Kjell R. qui non es jurista ma solo ha le comprension del laico, del proverbial _humano stratal_). *pron. _'luleo_ - 3 syllabas, e si vos pote sonar un francese _u_ in _lune_ vos habera un quasi correcte pronunciation). Nos es grate pro reactiones e propositiones de ligamines a articulos o altere sitos in re PUL, le lege de datos personal. Stockholm in junio 1998 Christoph Andersson Susanne Bertman _________________________ Iste pagina es un parte integrante in le projecto Le lege de datos e le libertate de parola", producite in junio 1998 per Christoph Andersson e Susanne Bertman, labor examinational in le subjecto "Jornalismo global electronic ("Global electronic journalism"), 20 creditos (punctos), Jornalismo, Medios, Communication, Universitate de Stockholm in collaboration con le Schola universitari* de Södertörn. *Io ha eligite le termino _schola universitari_ in loco de un plus litteral rendition _schola superior_ que pote diriger le pensatas a un _highschool_ del Statos Unite, lo que es un bastante altere cosa. In Svedia le schola universitari offere le mesme typo de inseniamento como un universitate, illo duce recerca scientific, ma non in le mesme extension como un costumari universitate. Le original svedese es trovate a: http://www.jmk.su.se/global/global98/ private/christop/finalpro/pul.htm Il ha etiam un version in anglese, que vos pote leger pro comparation a: http://www.jmk.su.se/global/global98/private/christop/finalpro/content.html [log in to unmask] Kjell Rehnstroem Vaenortsgatan 87 S-752 64 UPPSALA Svedia - Sweden