>Infortunatemente, Chris, il ha necun discussiones in le Statos
Unite de
>adoptar un systema parlamentari.
Isto es multo interessante.
Quando io era al universitate e nos studiava le systema del Statos Unite, io era
multo surprendite, ma non a causa del presidencialismo (que sembla esser un
estranie forma de monarchia elective), sed del absentia de partitos
'anti-systema' in le camaras, provocate per le lege electoral. Io vole dicer que
hic, in le Europa continental, le presentia de partitos plus o minus
'anti-systema' es completemente normal. Per exemplo, io alcun vices votava a
Izquierda Unida (Sinistra Unite) o a Euskadiko Ezkerra (Sinistra de Euskadi) e
illes attingeva respresentation in le parlamentos e municipios, ubi illes
travaliava sin problemas, malgrado lor definition ideologic diceva que illes era
in favor de un socialismo democratic, e non de un capitalismo liberal. Izquierda
Unida es, in facto, un gruppo formate per independentes de sinistra,
socialistas, ecologistas e le Partito Comunista e, benque io non es comunista,
io ha nulle problema pro donar le le voto (vos debe comprender que le Partito
Comunista in Espania in 1998 non es in favor del comunismo burocratic
dictatorial, naturalmente).
Il ha partitos multo plus seriosemente confrontate al
systema (Herri Batasuna, le bracio politic de ETA, per exemplo) e illes etiam
attinge representation in le electiones. Esque le populo nord-american non senti
le necessitate de haber altere expressiones politic que non es le Partito
Democratic ni le Partito Republican? Que estranie!
Clinton es ancora popular. Mais le
>populo ha apprendite un mal
latere de su personalitate, mais io opina que
>illes ancora crede
generalmente que ille pote ancora servir como Presidente,
>si ille se
comporta in un maniera plus autocontrollate post admitter a
>toto que ille
de facto ha un problema sexual - plus que ille ha facite
>un error de
indiscretion. Il deveni quasi impossibile pro ille a
evitar
>admitter aquesto a ille mesme. Mais su comportamento
de denegar lo usque
>ora ha essite como un alcoholic qui denega que ille
es un alcoholic. E le
>prime cosa que ille debe facer es a admitter a ille
mesme que ille ha un
>problema e non simplemente un temporari accidente de
judicamento. E ille
>debe admitter aquesto a tote le mundo circa
ille. Io anque opina que ille
>esseva subjecte a un forte tentation
per le comportamento de Srta Lewinsky.
Oh oh! Io non es de accordo con isto. Io non
sape si Clinton ha un problema con le sexo. Ma il es ver que ille ha un
terribile problema con le personas que pensa que le sexo es immunde. Io lo
diceva in un altere texto: le integristas sape que illes non pote dicer nunc
"le sexo es immunde!". A causa de illo illes dice: "nostre
presidente dice mendacios". Ha, ha, ha! Qui dicerea publiquemente le ver ,
tote le ver, super su vita sexual? Io no! E pensa que si le ver es cognoscite...
illo pote esser publicate in Internet! Un altere bon ration pro tacer.
Le sexo pertine al sphera del vita private. In
le Statos Unite forsan il ha troppo religion ambiental, nonne? Tote iste
confessiones public e quasi medieval de culpabilitate... Uh! Hodie io ha sapite
que Clinton habera duo consilieros spiritual baptista. Il pote esser que le
presidente espaniol, Aznar, ha ulle consiliero spiritual (ille es catholic e
conservative), ma illo non es e non pote esser hic un maniera de justificar se
publicamente e recuperar le votos perdite.
Ma io ha un altere question; qui decide si le
practicas sexual son excessive? Evidentemente, il pote haber excessos in le
sexo, sed mi idea de excesso non es le relationes accelerate e fugace de Clinton
e Lewinsky. Proque parlar sempre super adictiones e maladias? Assi on considera
que Clinton es un sclavo del placer (illo pare esser le titulo de un film
incostose) e, in certe maniera, que ille non es responsabile. Ma ille ES
RESPONSABILE, proque ille HA VOLUNTATE e, secundo le membros nord-american de
Interlng, INTELLIGENTIA. Ergo, si ille vole facer sexo con un, duo o cento
feminas (e illas anque lo vole, obviemente), ille debe memorar que multe
americanos non accepta iste practicas e ille debe usar su voluntate e su
intelligentia. Esque vos comprende illo que io vole dicer?
Ignacio.
>
>Stan
Mulaik