Salute Mike Ramsay! Ben venite de un altere texano [nascite in Edinburg, TX] e un altere statistico e psychometrico. Vos pare al commenciamento de vostre carriera, io approche le fin del mie. Mais como vos, io apprendeva interlingua quando in le universitate. Io habeva le bon fortuna a cognoscer Dr. Alexander Gode, a vistar le, e a corresponder con le. Alora, post plure annos de activitate con interlingua io evanesce del sceno pro prosequer mi carriera como un psychologo e statistico e a levar mi filios. Mais in circa 1993 o 1994 io discoperiva Kjell Rhenstrom aqui in le interrete al gruppo de novas sci.lang, scribente in interlingua, e io me rejungeva a interlingua. A causa de mi renovation de interesse in interlingua, io scribeva messages in illo a sci.lang, e Frank Pfaff, un programmator de programmas de computatores in Florida, lo videva, e ille deveniva un amante de interlingua. Per su effortios, ille ha establite nostre gruppo de novas "interlng" e aquesto ha facite possible le expansion de nostre contactos e excambios a tote le mundo. Per interlng io ha incontrate le sempre romantic Ensjo in Brasil, Jay in Nove Anglaterra in SUA e multe alteros. Amicos, Io vola hodie a Newark, Nove Jersey presso Nove York Citate, pro vader a un conferentia del Societate del Psychologia Experimental Multivariate, que ha su conferentia al Hotel Hilton in Woodcliff Lake NJ, que es un parve distantia del bordo con le stato de Nove York. Io va visitar con amicos como Michael Browne, Peter Bentler, Bob Cudeck, Roger Millsap, Jack McArdle, John Horne, Jim Steiger (recognosce aqueste nomines, Mike?). Nos va discuter le analyse factorial, le modellos de equationes structural, le analyse del variantia, le provas statistic, e altere cosas statistic. Assi io debe partir. Si io non parti ora, io time que le turba de traffico de gentes vadente al joco inter le Atlanta Braves e le Padres de San Diego va obstruer mi passage al aeroporto. Io va revider vos aqueste sequente dominica nocte. Stan Mulaik Professor del Psychologia Instituto Georgia del Technologia (Georgia Tech) Atlanta, GA 30332 [log in to unmask]