Del sito del commission del Union Europee on pote de facto prender un information secundo le stato del legislation in re protection de datos personal in varie paises del union. A mi aviso cata pais ha interpretite le programma de securitate in su proprie maniera e si le commission es interessate in usar su poter a qualcosa illo pote prender plure paises - i.a. Svedia - al aure e tornar un poco. Io traduce le lege del datos personal a interlingua proque vos pote ipse judicar lo. Il es satis multe texto e io debe facer lo in parve buccatas, proque io me enoia multo. Pro facer me un rumpe-leges io non pote plus narrar de Svedia in iste respecto, sed il ha un totalmente altere pais que ha problemas multo simile a illos in Svedia. Ille altere pais se appella Svionia, e ibi il ha evenite que on obviemente non sape le differentia inter _nomine_ e _datos personal_. Quando io vole saper le nomine de un persona io non dice: Qual es tu dato personal? Io dice: _Que es tu nomine_, o _Como tu /vos se appella?_ etc. Del plus il scribe que iste interdiction non concerne personas qui es active in organisationes _ideal_, correspondente a _organisationes non-profite_ in altere paises. On pote secundo le lege ben usar nomines de personas qui es active in un tal organisation. Iste ci paragrapho concerne etiam Svedia. Le plus terribile cosa es que le lege Svionian, si on lo va sequer, rendera cata collaboration de varie gruppos de personas intra le Union Europee impossibile. Il debe esser in le interesse del commission de dar le legislatores in ille pais un forte colpo pedestre in le parte sur le qual le majoritate de personas sede. Quanto al partitos politic in Svedia, il es difficile comparar los con illos in altere paises. On dice que il ha un problema pro le partitos de recrutar nove membros. On explica isto como un resultato del evolution del medios massive. "Le television occupa le tempore del homines troppo, e pro isto illes non ha le tempore interessar se in politica." Specialmente le grande partitos ha guardias de _anticorpusculos_ qui pote expeller non-desirabile intrudentes. Partitos ha etiam un function _stoppa-folles_ (un _cranc wall_ poterea esser un possibile parola in anglese, si illo jam non existe). Iste function es necesse, proque in altere casos il es facile que personas inseriose pote haber troppo grande influentia al partito. Ambe iste functiones tamen etiam distantia le partito e le populo un del altere. Un tertie factor es que le membros del partitos - como facile occurre in omne organisationes - debe quastar un massa de tempore in administrar aere. Il es solo quando on ha passate ille tres obstaculos que on pote _ager_ in le partito politic. Si on succede esser eligite al parlamento on risca devenir un del armea constituente le votatores. Le gruppo ducente del partito decide qual es le linea, e in favor de iste linea on vota. Cata persona qui es active in un partito politic es terribilemente occupate. Le evolution ha ducite a isto que le partitos se occupa de troppo de detalios in vice de discuter le grande problemas general, e pro le importante rolo del medios, le ducente del partito joca un sempre plus grande rolo, durante que le altere collaboratores se vide plus rarmente in le medios, ma al altere latere le partito besonia multe personas pro monitorar omne le detaliettos. Isto es le problema, e le partitos ha difficultates recrutar habile politicos. Ante le ultime electiones le discussion in le campania electoral era de assistentia medic, scholas e pensiones (como haber un systema de premios que va garantisar le optime systema pro retiratos?) Quasi ni un parola del plus importante question, si nos va adjunger le EMU como Finlandia e introducer le euro o non. Personalmente io non comprende que le politicos parla del occupation (de quanto personas labora). Lor carga debe esser de crear conditiones, regulas e leges, designar un systema de taxas que es efficace e al mesme tempore simple e practic, que non exige troppo de administration al mesme tempore que le justitia legal es securate. Secundo mi opinion on non ha adressite iste question. In Svionia, post certe critica interne del parito conservator, le _moderatos_ il nunc ha forte critica del ductor del partito, Carolo Pictura, le qual on accusa de _machismo_ e _carentia de humanitate, voluntate de ascoltar alteres_. Antea le lider del socialdemocrates _Georgio Petrides_ era accusate pro esser un brutal. Altere punctos de accusation era _machismo_ e _ineptitude de ascoltar alteres in le partito_! Que le partito habeva su proprie servicio informative clandestin, spiante re qui es communista in le syndicatos, es un altere puncto de accusation. Le socialdemocrates e le partito agrar, le centro, etiam in Svionia, es in realitate grande cumulationes corporative. Le partito socialdemocrate ha proxime contactos con varie movimentos como de consumatores, un organisation de locatores, le synticatos etc. etc. Io ha probate esser si objective que possibile, non lassante mi opiniones personal facer se troppo transparente. Tamen io debe dicer que le Lege del protection de datos personal in Sionia, es un creatura abhorrente, horripilante e terrorisante. Politicamente [log in to unmask] Kjell Rehnstroem Vaenortsgatan 87 S-752 64 UPPSALA Svedia - Sweden