d[981018] MulS-8CI x[STAN MULAIK <[log in to unmask]>] s[Re: Le GRANDE RAMSAYS - I] Halloo, Allan. De ubi, qual encyclopedia es le fonte de tote le informationes vos ha date nos? Vos semper ha disponibile grande fontes del informationes. Stan d[981021] KivA-8CL x[Allan Kiviaho] s[Re: Le GRANDE RAMSAYS - I - Encyclopedias] Stan, Finlandia es le pais promittite de encyclopedias. Le prime encyclopedia de Finlandia era publicate jam le 1672 in Turku/Åbo, le "Encyclopaedia Synoptica", 3 tomos, per episcopo Johannes Gezelius senior. Illo era scripte in latino. Le prime encyclopedia in finnese era "Sanakirja yleiseen sivistykseen kuuluvia tietoja varten" (Dictionario pro cognoscentias general), 1883--90, 12 tomos. Altere encyclopedias finnese: - Tietosanakirja, 1908--19 (10 tomos, tomo complementari 1922. - Iso Tietosanakirja (Grande encyclopedia), 1931--39, 15 tomos, 2 tomos complementari 1958--59. - Pieni Tietosanakirja (Parve encyclopedia), desde 1920s. - Uusi Tietosanakirja (Nove encyclopedia), 1930, 2 tomos. 1959-- 24 tomos. Io ha participate al preparation de isto encyclopedia cum articulos super chachistas. In 1961 in Helsinki era arrangiate le jocos olympic de chacos pro studentes chacos. Un grande quantitate de famose grand-maestros participava et nos beneficiava le situation pro intervistar illes pro le encyclopedia. Le plus eminente chachisto de USA era William Lombardy, qui habeva vincite le torneo pro le campionato del mundo de juniores cum resultato de 100 pro cento, como le sol in le historia de chacos. Ille studiava in un seminario pastoral del ecclesia catholic. Le seminario habeva promittite que ille poterea participar al torneo a condition que ille deberea frequentar le missa catholic cata die. Le chachistas habitava in le campus del Universitate Technic de Helsinki. Un del multo poc ecclesias catholic de Finlandia esseva per hasardo solmente alicun kilometros ab le campo. William nunquam habeva bicyclate et il era un spectacula multo amusante quando iste massive juvene tentava apprender le habilitate nobile de bicyclar. Ille era un persona grande et grasse cum multo rubie genas (baby face). Quando nos demandava information de ille pro le encyclopedia nos pronunciava le verbo "encyclopedia" in modo de interlingua, latino aut finnese. "I beg your pardon", diceva William. Il era impossibile a facer ille comprender e finalmente nos scribeva le verbo al papiro. Tum su facie se clarava et ille rumpeva: "Oh yes, of course, INSAIKLÖUPIIDIÖ, INSAIKLÖUPIIDIÖ". Il ha plus encyclopedias in Finlandia sed io non cognoscer le plus noves. Sed io sape que atque etiam le svedophone Finlandia ha publicate un encyclopedia del medie grandor. - Otavan iso tietosanakirja (Grande encyclopedia de Otava). 1960--, 10 tomos. Io ha isto encyclopedia et un altere del un tomo. Io ha etiam un magnific encyclopedia german, Meyer's Konversationslexikon, 1888, 18 tomos + 3 tomos complemente. Sed le previe bibliotheca principal de Helsinki es solmente in distantia de 45 secundas de mi officio. Il ha un multo grande collection de encyclopedias, includente le Bolshaya Sovyetskaya Entsiklopediya, 1949--57, 50 tomos. Isto bibliotheca ha etiam le collectiones de British Council, que donava su collectiones a nostre bibliotheca post que le Council era suspendite. In distantia de alicun minutas de mi officio es le bibliotheca del Universitate de Helsinki cum enorme collectiones, partialmente in catacombas sub le citate. Isto bibliotheca ha le plus bon collectiones de libros russe de annos 1809--1917 del mundo postea le bibliotheca national de Russia in Moscova quia Helsinki cum Moscova et Sankt Peterburg habeva le derecto de un copia gratis de cata libro que era publicate in Russia. Io pensa que le bibliotheca in Sankt Peterburg es partialmente destruite. In le bibliotheca del Universitate de Helsinki on pote reguardar p.ex. Entsiklopeditcheski Slovar, Russia 1890--1907, 86 tomos (!) Finlandia ha un developpate institution de bibliothecas public. Le prime bibliotheca public era fundate in 1803. Al fin de 19e seculo Finlandia habeva plus que 2000, un pro 1000 inhabitantes. Encyclopediamente Allan, a pena 1 tomo