Mike Ramsay scribeva: > Io postava un message al interreto presentar me--ma le texto > extende multo longe al dextra!!!!! Pote alcuno reparar isto > o dicer me que facer??????? Benvenite, Mike! Quanto a tu problema, io dicera que succede in mi Netscape Messenger 4.03 in portugese: De facto, cata paragrapho de tu message consiste de un unic longe linea. Pro visualizar le lineas, io deberea rolar le area del message con le barra de rolage (scroll bar) horizontal. In Netscape Messenger existe le option de menu "Exibir/Quebrar linhas longas" (in Interlingua, "Exhiber/Rumper lineas longe"; io suppone que in anglese isto serea "View/Break long lines"). E... voilà! Le texto ora adjusta se perfectemente a qualcunque sia le largor del fenestra del Messenger. Io spera que isto sia de adjuta, e tamben que tu resta satis de tempore hic con nos in INTERLNG. ;-) De novo, un grande BENVENITE! -- ENSJO : EMERSON JOSÉ SILVEIRA DA COSTA Homepage : http://www.nautilus.com.br/~ensjo/ UIN ICQ : 713833 INTERLINGUA - lingua auxiliar international Info : http://www.interlingua.com Brasil : http://www.nautilus.com.br/~ensjo/ubi/