Jan, Con respecto a mover discussiones grammatic e lexic a un gruppo in Delphi, io debe indicar que pro me le accesso de tal gruppos es multo plus inefficiente pro me que per accessar un listserv como interlng. Le ration io non participa plus al gruppo Interlingua in Europa, ubi tal questiones es discutite, es proque a accessar los per le tela transterrestre es plus lente. Mesmo le e-posta in AOL es minus efficiente a reciper e-postas que via mi uso de un unix e-posta. Interlng es multo efficiente. Quando io debe leger 60 messages de e-posta in un die, a causa de mi correspondentias e abonamento a gruppos de listserv professional, io debe usar un systema efficiente. Io de plus vole notar que malgrado le disinteresse certe individuos ha in discuter topicos lexic e grammatic in interlng, le facto es que illo es un topico discutite plus frequentemente que alcun altere, e io time que le interesse in le gruppo va diminuer si on non pote discuter un question lexic o grammatic quando illo occurre in connexion con lo que on ha scribite in le gruppo. Illo es additionalmente multo importante pro novicios a apprender le processos scientific e objective per que questiones lexic es resolvite per observar los in application. Si nos vole convincer le professionales e linguistas del seriose e scientific natura de nostre lingua, nos debe monstrar lo a illos in le casos de alargar le vocabulario a contextos specializate. Io hodie visitava www.amazon.com pro cercar dictionarios italian, e io esseva surprise per le grande numero de dictionarios multilingual pro topicos scientific, technic, medic o specializate, indicante un area vaste ubi interlingua eventualmente va requirer disveloppar solutiones lexic. Io trova traductiones pro le Parlamento Europee difficle proque il require un nove vocabulario technic. Io non argue que nos debe solmente discuter questiones lexic in interlng, mais nos discoperi tanto frequentemente que nos debe tornar nos a tal problemas pro resolver questiones de vocabulario e grammatica in nostre proprie usage. Illo es inevitabile. Amicalmente, Stan Mulaik on pote observar aquesto solmente in casos specific quando questiones super illos occurre.