>Le suffixo -ari es usate a crear adjectivos de >substantivos e significa "pertiner a... consister de .... >etc." assi >"legenda > legendari", fragmento > fragmentari. >----------------------------------------------------------- >Allan Kiviaho: Sed quam explica vos le sequente exemplos in >le IED?: >mer-ito -- mer-itori (non mer-itari) >trans-ito -- trans-itori (non trans-itari) >aud-ito -- aud-itori (non aud-itari) > >E in le Concise English-Interlingua Dictionary de >Gopsill F.P. & Sexton B.C.: >cred-ito -- cred-itori (non cred-itari) > >************************** > Si >************************** > me-ri-to -- me-ri-tori >tran-si-to -- tran-si-tori > au-di-to -- au-di-tori > cre-di-to -- cre-di-tori >************************** > proque non >************************** > par-ti-to -- par-ti-tori? > >Io ha trovate necun exemplo de >-ito -- -tari >(Forsan alicun altere pote trovar ...?). > >Stan Mulaik: >partito > partitari in connexion con partitario, un qui >pertine a un partito. >----------------------------------------------------------- >Allan Kiviaho: Quid un derivation > partito > partitario > partitari, >quid non un >derivation directe de substantivo-adjectivo, > partito > partitori? > >Salutante > >Allan Secundo le Grammatica de Gode e Blair, -atori (-ar), -itori (-er, -ir) forma un adjectivo de un verbo que indica "pertinente a, o a servir pro, le action de ....-ar (-er, -ir). circular > circulatori, merer > meritori, transir > transitori ventilar > ventilatori, coercer > coercitori -ari "pertinente a ..., consistente de ...., etc." forma le adjectivos de substantivos, e sovente es associate con substantivos in -ario, -ero e -iero. partito, partitario (un qui es un membro de un partito), partitari. Secundo mi "Medical Latin and Greek" de Mignonette Spilman, -aris; -arius significa "pertinente a ..., similar a...., habente le qualitate de ...." Aquesto suggere un suffixo -ar como in sol > solar, oculo > ocular, luna > lunar, linea > linear, al latere de -ari como supra. Illos forma adjectivos de substantivos. Spilman indica que il ha in Latin -ius, un affixo adjectival addite a un base substantive; frequentemente addite a substantivos in -or indicante un agente. Aqueste pare esser le -i de -itori. Illo indica alque similar a -iose que es derivate de un conflation de -ius e -osus. -or es sovente addite al thema del participio passate -at-or, -it-or, assi -atori, -itori. In anglese on ha -ory adj suffix [ME -orie, fr. MF & L; MF, fr. L -orius] 1 : of, relating to, or characterized by <gustatory > 2 : serving for, producing, or maintaining <justificatory a gustatori, justificatori -ous adj suffix [ME, partly fr. OF -ious, -ieux, fr. L -iosus, fr. -i-, penultimate vowel of some noun stems + -osus -ous; partly fr. L -ius, adj. suffix] : -OUS <edacious >. A vices io pensa que le analyse del affixos in le Grammatica non seque exactemente le analyse del latino de que le affixos es derivate. Le latino es sovente explicatori (sic). Io opina que vostre confusion super merito > meritari es comprehensible, proque in theoria un tal formation es possibile, mais illo refere al merito, durante que "meritori" refere al qualitate de uno qui ha le merito, i.e. al "meritor", i.e. "meritori" indica que on ha le qualitate de un meritor. Considera, "Le committee discuteva le merito de varie candidatos. Assi, le discussion esseva meritari (super le merito). Mais illes considerava que lo que Allan K. ha facite esseva multo meritori, i.e. ille meritava un medallo, i.e. ille esseva un meritor." Le Grammatica adde que -atori e -itori sovente servi como le adjective general pertinente a substantivos in -ion. -ion (-ation, -ition) es le 'action o resultato de .... -ar (-er, -ir). Assi "justification" > "justificatori", "circulation" > "circulatori". Quanto a partito > *partitori, nota que -itori es addite a un verbo e non un substantivo (partito). Assi partir > partition > partitori refere al action de partir o alque que servi le action de partir. partito > partitari es alque super un partito. Potesser mi remarcas confunde plus que clarifica....? Stan Mulaik