Eheu, Allan! Es que tu me poterea adjutar con un question Fino-Interlinguan? :-))) Io ha multissime studentes in mi classes de lingua de prime anno que ha nomines finlandese... cinque con "Aho", duo "Somero", un Ojala, un Seppala, e Sikkila, Saari, e alteres etiam in le club del NHS e le club de linguas... Honkala, Kangas, etc. E hodie io trovava que Saari ha un significato como "le insula", es que le altere nomines ha significatos etiam, o son solmente illos mer nomines sin significato commun? Multe de mi studentes non sape parlar finlandese, ma illos pote comprender alcun parolas, illos me inseniava alcun terminos que illos apprendeva a su casas, ma io non poterea mentionar alcun de illos hic al lista, io les petiva mantiner le conversation pulchre e sin parolas offensive, ma illes poteva dar me rapidemente le impression de que le lingua finlandese ha multo colorose terminos con variationes de senso... ma hic io terminara ille filo de conversation e retorna nunc a mi question... esque le nomines de mi studentes ha un significato connegite con substantivos commun? Io amarea poter informar a mi studentes que le nomines son basate in parolas actual e pro medio de isto haber ration pro discuter un pauc del lingua belle e international, pro medio del qual io te face iste demanda. Tunc finalmente... :-))) Si tu me poterea adjutar io lo appreciarea multissime, e forsan alteres al lista amarea apprender alcun cosas in re ille belle lingua del placias nordic, ubi le dies e le noctes son longes e le capillos de alcun del habitantes son plus radiante e plen de vita que le radios del sole. Amicalissimemente, Jay B.