Al telephono:
-- Hallo! Casa de Calceos "Pede de Auro", a vostre ordines!
-- Que?! Casa de Calceos? -- se espaventa le voce al altere latere
del linea. -- Excusa me, io suppone que io errava le numero.
-- Sin problema, mi seniora. Vos pote apportar lo aqui e nos lo cambia
pro vos.
-- Qual es le differentia inter un alumno idiota e un
alumno intelligente durante le classe?
-- Le idiota scribe toto que le professor scribe sur le quadro nigre
e, quando le professor rade le quadro, ille rade le quaderno tamben! In
vice, le intelligente scribe nihil, perque ille sape que le professor va
rader toto, comocunque!
-- Quante idiotas es necessarie pro affundar un submarino?
-- Duo. Un batte al porta, le altere lo aperi!
Le homine arrivava a aquelle interprisa que faceva bandieras
e placards e tosto diceva:
-- Mi canetto se perdeva e io vole mandar facer un placard multo grande!
-- Multo ben, senior. Qual es le texto?
-- Lulu, retorna tosto! Io es multo triste!
Il habeva un grande tumulto in le placia. Un multitude
de gente se agglomerava circa un corpore extendite sur le solo. Un homine,
multo basse, era curiose pro vider le accidentato, mais ille non succedeva
reguardar ultra le multitude. Subito, ille habeva un idea:
-- Excusa me! Excusa me! Lassa me passar! Io es parente del accidentato.
Totes aperiva spatio a fin que ille passava, e quando ille arrivava
in le medio del rota, ille incontrava un asino que veniva de esser colpate
per un auto.
Post le quarte filio, illa reclama con su marito:
-- Io non vole plus haber filios!
-- Perque?
-- Io non vole chineses aqui in casa!
-- Chineses?
-- Si! Tu nunquam audiva dicer que de cata quatro infantes qui nasce
in le mundo, un es chinese?
Tres subjectos conversava in un bar:
-- Mi amicos -- commentava le prime --, io crede que mi sposa me trai
con alcun jogator de tennis. Imagina que altere die io trovava un rachetta
sub mi lecto.
-- Io tamben es obligate a confessar que io habe diffidentia de mi
sposa. Io suppone que illa me trai con alcun jocator de football, pois
que altere die io incontrava un bolla sub le lecto.
-- E io suppone que mi sposa me trai con un cavallo.
-- Un cavallo?! Ma como?
-- Imagina que altere die io trovava un jockey sub mi lecto!
Bottilia de vino pro idiotas: al fundo del bottilia es
scripte:
"Le apertura se situa al altere extremitate."
Le idiotas usa solo un partition de su libretto de telephonos.
Es aquello del littera T.
Illes scribe: Telephono de Petro, Telephono de Regina, Telephono de
Alberto...
Le homine era sedite sur un banco de placia al latere
de su sposa, quando un columba le caca al capite.
Plus que rapido le femina aperi le bursa e tira un pannello de papiro.
-- Prende isto!
-- Pro que illo? -- ille questiona irritate. -- Como tu suppone que
io va saper qual de illos ha cacate?
In un reception al ambassada, le ambassador anglese presenta
su sposa al visitante:
-- My wife!
E le visitante presenta le sue:
-- Mai ria!
Le marito era serrate intro le W.C. per horas ja.
-- Caro, tu te senti ben? Perque tu demora tanto? -- questiona le sposa,
colpante le porta.
-- Il es que aqui non ha papiro higienic...
-- Ma caro! Io era aqui foras tote le tempore. Tu non habe lingua?
-- Claro que io habe, ma io non es contortionista!
Un jeep se approxima al porta del quartiero. Le soldato
appuncta le fusil al capite del automobilista e questiona siccamente:
-- Tu sape le contrasigno?
-- Si.
-- OK, pote entrar!
ENSJO : EMERSON JOSÉ SILVEIRA DA COSTA
Homepage : http://www.nautilus.com.br/~ensjo/
UIN ICQ : 713833
INTERLINGUA - lingua auxiliar international
Info : http://www.interlingua.com/
Brasil : http://www.nautilus.com.br/~ensjo/ubi/