Stan citava le CNN: Stockholm, Svedia (CNN) Foco curreva rapidemente per le plano superior de un discotheque plenate con centos de juvenes presente a un dansa de Halloween in le sudwest citate de Gothenburg in le matino de venerdi, occidente al minus 60 gentes. Kjell R: Si, iste nova es correcte. Io audiva de isto le venerdi. Il era un cosa mulo tragic e le premier Göran Persson viagiava a Göteborg (Gothenburgo) pro expressar su sentimentos de condolentia. Stan: Circa 190 esseva ferite - multos seriosemente - in le foco, que commenciava circa de medienocte in le edificio del local Association Macedonian. Kjell R: On conta de 63 mortes. Hodie le radio informava que on habeva trovate le remanentias de un puera, cuje parentes poteva identificar la per un collar o un bracialetto (io non memora qual scribente isto) que le policia habeva trovate facente le examination in le loco del incendio. Stan: Un dansa a disco habeva essite organizate pro juvenes, le majoritate inter le etates de 13 e 18, pro celebrar le Halloween, diceva officiales. Le dansa esseva al plano secunde del edificio. Il occurre que juvenes illes mesme organisa dansas. In svedia on debe haber 18 annos por ir a un restaurante ubi on servi biberages alcoholic. Isto significa que le personas inter 15 e 18 es in un limbo, non sufficiente grandes pro le restaurantes a dansa e non sufficientmente parve pro le centros de juventute. In iste situation, quando on vole organisar un festa, on loca un local e vende billetes a illo. On pone in cursa folios volante in le varie scholas e le juvenes veni a ille festas. Il es costumari que on in iste locales prende plus de visitantes que permissite. Un porta-voce del policia diceva: "Il ha tal cowboys qui pensa que illes pote ganiar multo moneta organisante tal festas, e illes non es troppo obediente al regulas que existe, viste que lor sol scopo es ganiar moneta. E illes es troppo juvene pro assumer le responsabilitate necessari." Tuo technicos theatral laborante in un theatro adjacente habeva in le vespere sentite le odor de fumo e habeva vidite igne del tecto al latere del theatro. Le technicos habeva succedite extinger le igne (foco) a su latere e tunc illes habeva audite le pomperos (le brigada contraincendial) e habeva credite que toto essera arreglate. On suppone que le focar del incendio es a un exito de emergentia barricadate. In scholas gothenburgense on arrangiava solemnitates funebral hieri, le prime die scholar post le Festa de tote sanctes. In le medios il ha essite critica contra le autoritates communal e statal.... [log in to unmask] Kjell Rehnstroem Vaenortsgatan 87 S-752 64 UPPSALA Svedia - Sweden