Ensjo! Exprime nostre desiro a Rosana que illa ha un recuperation rapide de aqueste colpo de autobus. Vos recipeva mi articulos pro Tribuna? Io ha un altere: >>>>>>>>>>>>>>>>>>>>>>>>>>>>>>>>>>>>>>>>>>>>>> CIRCULATION PARALLEL DEL EURO E MONETA NATIONAL OBJECTIVO DEL CRITICA Le 1 de decembre le Bureau Europee del Uniones de Consumitores (BEUC) ha essite le objectivo de criticas del membros del sub-committee de affaires monetari, quando europarlamentarios ha denunciate su appello in favor de un periodo de tres a sex menses durante le qual le euro et le ancian monetas national esserea parallelmente in le circulation. Le membros ha exprimite le opinion que un tal proposition esserea contrari al interesses de consumitores proque illo esserea a le origine de confusiones e fraude. In responsa le representante del BEUC justificava su proposition per remarcar que le consumitores, particularmente le personas vetere haberea le necessitate de tempore pro habituar les al euro. Totevia, Peter Lind del Association Europee de Grossistas in Tabaco sublineava le character irrealistic de aqueste proposition quando ille insisteva super le facto que il esserea necesse de adaptar 10 milliones de distributores automatic e que le uso concurrente del euro e moneta national esserea technicamente impossible. A un audition public presidite per Christa Randzio-Plath (PSE, D), alcun expertos de Eurocommerce (organization europee de commercio de gross e de detalio), del organization UE de PME, le UEAPME, e del Federation UE de Bancas esseva toto de accordo que aqueste circulation parallel esserea ni practic ni benefic. Le lanceamento del euro debe esser decisive e total. Le ancian moneta debe cessar de haber curso legal le 1me de januario 2002. Aquesto es lo que se appella le "Big bang" legal. Un altere aspecto importante abordava al curso del debatto esseva si super le die initial un quantitate sufficiente de pecias de moneta e billets in euro esserea disponibile. Aquesto esserea un problema major mesmo si mesuras es prendite pro garantir que le pecias e billets in euro esseva mittite al disposition del publico e le commercios ante que le euro deveniva le sol moneta legal. "Malgrado aqueste mesuras, cognoscite sub le vocabulo de "frontloading", e le usage de medios de pagamento electronic, un parte del publico deberea vader a punctos de excambio installate in bancas e bureaus de post," diceva Sr. Duijn, representante del detaliante nederlandese Royal Ahold. Le costo e le complexitate del "distribution" de quantitates enorme de billets e de pecias de moneta (12 milliardos pro le un como le altere), constitueva un preoccupation pro Sr. Vincent Marchand, representante del Federation Europee de Bancas. Ille ha tirate le attention al facto que il poterea ben esser necesse de sollicitar le assistentia del autoritates militares de statos membros pro garantir que le operation devolve sin incidento. Confirmante que le costos del operation non esserea transferite al publico, ille demandava que le autoritates in cata stato membro participante recompensa le bancas pro le costos inherente in le rolo de distributor principal. De News Report del Parlamento Europee 02 decembre 1998 Traducite a in interlingua per Stanley Mulaik >>>>>>>>>>>>>>>>>>>>>>>>>>>>> Pro informationes additional super interlingua visita http://www.interlingua.com >>>>>>>>>>>>>>>>>>>>>>>>>>>>>> Stan Mulaik