Kjell, Vostre remarcas a Ensjo super le UE: >Il ha un enorme differentia cultural in iste respecto inter le paises >scandinave e le resto del union, ubi on non - como io lo vide - ha >interesse in le participation del cive in ulle politica. Le politica pro le >professionales, qui vive in le estufa in Brusselas e non comprende plus >como vive le populo. > >Le Union es in le processo de crear un nove Union Sovietic.The ghost Goes >West era un vetere film del quali io involuntariemente pensa in momentos de >europessimismo. Quando io ha legite notitias super le UE e le Parlamento Europee inle interrete, io recipe le impression que le politicos ignora un crescente opposition al Union, proque le politicos non es responsabile al populo. Vos va notar le prime articulo in EURO MP que io jam ha traducite, in que le socialistas qui es autores del jornaletto vide le opposition como habente le intention de destruer le union. Le socialistas pare haber un certe influentia in le union, nonne? Illes non vole perder le poter. Illes es similar al Democratos aqui in le Statos Unite, que debe tractar del facto que un crescente classe medie prospere non es preoccupate con le povre, ni le correctessa politic, ni le immixtion del governamentos in lor vitas private. Un puncto in question: Un annunciator de un "talk-show" al radio que io audi tote matino quando io me conduce al universitate, nota que un lege es ora proponite que bancas va controlar le contos de lor clientas e reportar alcun inusual depositos al governamento federal. Le scopo de aqueste legislation es superficialmente a cercar pro le activitates de venditores de drogas. Mais le annunciator leva aqueste question: Suppone que vos vende vostre automobile a un individuo, e vos require le moneta liquide a contacto - justo proque il es plus secur que a acceptar un cheque de banca de un estraniero, e vos non pote processar le cartas de credito. Immediatemente vos i a vostre banca e deposita le moneta. Le amonta es pro $17.000,00. Aquesto es un amonta inusual. Mais sub aqueste lege, le banca va informar le Bureau Federal del Investigation o le Agentia del Regulation de Drogas que vos ha depositava un inusual amonta de moneta a vostre conto. Vos recipe un visita del agentia federal. "Senior, de que ha vos recipite aqueste $17.000,00 que vos ha depositate in vostre conto?" "Aquello non es vostre affaire!" vos responde. "Mais aquello es jam mi affaire, senior Si vos ha necun explication legal pro aquesto, nos pote confiscar lo sub le lege que le agentias de application e regulation del leges pote confiscar alcun benes e monetas usate in le commercio in drogas illegal. E vos debe vader al cortes pro determinar que vos ha un derecto a illo." Americanos qui regarda lor affaires personal como private non vole tal immixtion del governamento in lor affaires. Io imagina que europeos veni a haber sentimentos similar. Mais le partitos de politicos qui gaudia le exercitio del poter va imaginar tote medio de involver se in le vitas private sub le pretexto que illos lo face pro le bon universal. E in un systema in que il ha pauc controlo del populo super lor governamento e lor politicos, illes non va tolerar pro longe. Specialmente, si, como vos, on ha un longe tradition del democratia e participation del cititanos in lor governamento. Io es incerte con respecto al futuro del Union Europee. Illo require un convention constitutional pro constatar un systema de governamento responsabile al populo. Politicamente, Stan Mulaik