ASTRONOMOS DESIGNA TRIANGULOS IN LE CELO QUESTION: Como le astronomos mesura le distantia in annos-luce inter le stellas e le Terra? RESPONSA: Il es simple, jura le expertos. "Primo nos observa le astro con un telescopio. Le luce que illo emitte es como un recta e le instrumento mesme mesura le angulo inter aquelle linea e le Terra", dice le astronomo Thyrso Villela, del Instituto Nacional de Pesquisas Espaciais (Inpe), a São José dos Campos, São Paulo. Sex menses depois, se repete le operation. Alora, le Terra va esser al altere latere del Sol, isto es, al extremo opposite de su orbita, e consequentemente le angulo sera differente. Jungente le duo rectas e le linea que representa le dislocamento del Terra inter le duo momentos, il es possibile designar un triangulo. Perque le diametro del orbita terrestre es cognite, le astronomo pote usar lo pro deducer le distantia inter le stella e nostre planeta. Le mesura es facite in annos-luce ? le distantia percurrite per le luce in le vacuo durante un anno. Perque le luce curre a 300.000 kilometros per secunda, 1 anno-luce es 9,5 billiones [*] de kilometros. Usate desde 1838, le methodo habe margine de error de 10%, que es considerate multo poc per le astronomos. --- Traducite ab Revista SUPERINTERESSANTE, Brasil, Decembre de 1998. Ensjo. [* 1 billion = 1.000.000.000.000]