Le 22 de decembro il ha le _shabe yalda_ le longissime nocte, le solstitio hibernal. Privatemente io sempre celebra iste nocte. Benque le nomine es iranian, le iranianos, secundo lo que on ha dicite a me, non celebra iste nocte. Pro me tamen il es un phantastic nocte. Secundo le vetere calendario svedese le plus longe nocte del anno occurreva le 13 de decembro, e illo era le embryon del popular festa de Lucia. Al mesme maniera que on dum le plus curte nocte del anno sentiva un presentia de multe esseres magic, etiam le nocte plus longe del anno era magic. Quando on cambiava le calendario le gente oblidava de ille magic nocte. Le longissime nocte del anno es le nocte magic, quando le utensiles, le ludimentos del infantes es reanimate, illo es le nocte quando nos pote pensar de nostre desiros del futuro e le ver nocte de pace, quando tote le natura tenta liberar se del discordia. Assi on describeva le nocte de lucia in mi infantia, ma io comprende solo nunc, que lo que on describeva in le realitate era le plus longe nocte del anno. Noctualmente [log in to unmask] Kjell Rehnstroem Vaenortsgatan 87 S-752 64 UPPSALA Svedia - Sweden