Alarma in re le SuperGermines... "Le resistentia per 'super-germines' al plus potente antibioticos deberea inviarnos le senso urgente de alarmas de emergentia. Non solmente pro le profession medic ma alsi pro le consumitor" dice le periodico "Star" de Sud-Africa. Le Pathologista Mike Dove adverte que "le infirmitates que era controllate per ja face annos, o quasi totalmente eliminate habe mutate e ora face un retorno". Le uso excessive de antibioticos ha resultate in nove versiones de tuberculosis, malaria, febre typhoide, gonorrhea, meningitis, e pneumonia que son multo plus difficile de tractar e que son resistente al drogas moderne. E plus que tres milliones de personas cata anno nunc mori del tuberculosis. Patientes pote adjutar per rememorar isto: Initialmente, tenta de usar tal remedios como biber quantitates de liquidos e reposo necessari, e gargarisar con sal e aqua calide si on ha un dolor de gorga. Non tenta fortiar su doctor con repetite demandas pro antibioticos - - lassa le determinar si vermente illos son necessari. Si illos son prescripte, sempre termina le dosage prescripte, mesmo si nota amelioramento. Memora que le antibioticos non curara le influenza e le rheumas causate per viruses, solmente le infirmitates causate per bacteria. "Totos", diceva Dove, "debe travaliar juncte e combatter iste multissimemente perturbante problema, le qual poterea crear un catastrophe de salute mundial".