Io es toto de accordo con Jan Årmann. Nos debe omnes facer tote effortios pro mantener le spirito de INTERLNG como le foro de practicar interlingua - pro le gaudio de omne participantes e nove interessatos - e diriger messages pro un o duo personas directemente a iste un o duo personas. (Es un guasto de tempore pro nos omnes deber prender message post message al schermo e constatar que nos lege un debatto facie-a-facie.) In ultra, omne le peculiaritates grammatic debe esser discutite in un foro pro iste scopo e/o con le commission linguistic establite per le Union Mundial pro Interlingua.

Assi le contento de INTERLNG essera sempre actual, interessante, facile a comprender quando on subito entra in le discussion e (multo importante) un belle fenestra de exposition de interlingua pro omne le nove interessatos qui vole accostumar se in le uso de interlingua.

Sequer iste scopo es difficile - ma illo essera fructuose pro INTERLNG, pro interlingua e assi adder nove gaudio a nos omnes (e il es tosto Natal...) de esser participantes (plus o minus active) in INTERLNG.

Quatro bon regulas a memorar:
1. Considera si tu del toto debe responder a iste o ille message.
2. Considera si tu responsa concerne a omnes o solmente a alcun personas; in tal caso invia lo solmente a iste personas.
3. Lege tu message ante de expedir lo a fin de deber inviar addendum post addendum.
4. Controla que tu ha scribite vermente tote lo que tu vole, ante que tu expedi le message.

Con mi optime salutes
Thomas Breinstrup