EURO MP IN INTERLINGUA PRO 22 DE JANUARIO 1999 "Euro MP' es le periodico del gruppo le plus grande in le Parlamento Europee, le Socialistas 214-forte, dirigite per europarlamentario Pauline Green de London Labor e Cooperativo. Aqueste traduction es facite solmente pro illustrar le uso de Interlingua como un lingua auxiliar pro Europa e in necun maniera indica que interlingua es un programma del Socialistas ni le appoio del traductor pro le position del Socialistas in affaires del Parlamento Europee. Le version originalin anglese es producite per le Servicio de Portavoces del Gruppo pro adjutar le jornalistas a trovar novas disveloppante. Euro MP in anglese es le responsabilitate de Tony Robinson SUMMITO DE PLANAR LE MANIFESTO PRO EUROELECTIONES Leaders UE del partitos socialista e socialdemocratic va finalizar lor manifesto redacte pro le electiones europarlamentari plus tarde aqueste anno a un reunion in Vienna le 29 e 30 de januario. Le redaction va esser presentate al delegatos pro adoption al Congresso del Partito de Socialistas Europee in Milano le 1 e 2 de martio. Robin Cook, Ministro Estranier brittanic e Henri Nallet le portavoce europee del Partito Socialista francese esseva co-presidentes del committee del manifesto PSE, establite le anno passate pro preparar le redaction. Post que le leaders PSE approba le redaction in Vienna, illo va esser revelate pro discussion per membros del partito del 15 nationes UE in avantia del Congresso a Milano. Plure prime ministros va esser intra le leaders del partito presente al discussiones a Vienna. Illes include Cancellero austriac Viktor Klima, qui va esser le hospite del discussiones, e le Prime Ministro de Brittania, Tony Blair. Germania va esser representate per leader del SPG Oskar Lafontaine e Francia per leader del SPF Francois Hollande. Le discussiones a Vienna va tener se al Instituto Renner, 26-28 Hoffingergasse, 1120 Vienna. Le Centro del Pressa va esser a 18 Hoffingergasse in le centro del Federation Europee pro Handball. Briefings del pressa va occurrer al Centro del Pressa. Accesso del media al Instituto Renner va esser limitate a cameras como detaliate a basso. PROGRAMMA DEL DISCUSSIONES A VIENNA 29 januario 1999 De 11.00: Photos del arrivata al Instituto Renner. 12.00: Briefing del Press per Presidente del PSE Rudolf Scharping e leader PSE in le Parlamento Europee Pauline Green al Centro del Pressa, Federation Europee del Handball, 18 Hoffingergasse. 12.30: Initiation del Discussiones al Instituto Renner. 13.45: Photo del familia a Instituto Renner Accesso de cameras in commun al discussiones va esser providite durante le session postmeridie. 30 januario 1999 09.00 Resumption de Discussiones al Instituto Renner. Accesso limitate a cameras. 12.00 Conferentia del Pressa conducte per PSE Presidente Rudolf Sharping, Cancellero austriac Viktor Klima e PSE Leader in le Parlamento Europee Pauline Green. UE INROLA TRUPPAS A SALVAR LE AMBIENTE Un nove rolo pro le armeas europee - combattar problemas del ambiente - es contemplate per socialdemocrato svedese Maj Britt Theorin in un reporto a debattar al session Brussels mercuridi le 27 de januario. Sra Theorin dice que le fin del Guerra Frigide ha 'mutate profundemente le situation militar' con nove menacias al securitate in problemas del ambiente, conflictos ethnic, le terrorismo, e le crimine international. Illa propone redisplicamento de truppas, includente le instruction de soldatos de ambiente pro establir un commun Brigada pro le Protection del Ambiente Europee. Un secunde reporto - per Labor europarlamentario Gary Titley - examina le strategia UE con respecto a industrias pertinente al defensa. Problemas central include le restructuramento del industria de armas desde le fin del Guerra Frigide e le possibilitate de un mercato unic extendite al equipage militar. SPECTRO DE MULCTAS SUPER LE EURO SE ELEVA Le spectro de mulctas del UE applicate a governamentos in le zona del euro es preste a elevar se a un reunion del committee economic e monetari del PE, lunedi 25 de januario. Le mulctas poterea esser levate secundo le pacto de stabilitate si governamentos falle a conformar se al criterios del moneta unic super deficits. Europarlamentarios Socialistas preoccupate con le euro va sublinear le necessitate de balanciar le respecto pro le criterios con meliorate investimento public. Le debatto es expectate quando commissario UE de affaires economic e financiari Yves-Thibault de Silguy presenta su reporto economic annual a 15.15 in le Edificio Leopold. Ministro financiari italian Carlo Ciampi va presenta le programma de stabilitate de su pais al committee a 11.00 martedi le 26 de januario. Le presentation es uno de un serie avante le committee per governamentos in le zona euro. FOLLIA DE MONETA Le accordo UE que symbolos national essera usate super moneta euro ha ignite preoccupation super le numero de designos que pote esser usate in le circulation. Europarlamentario Labor Glyn Ford leva le prospecto de Andorra, Monaco, San Marino e le Citate del Vaticano fabricante lor proprie designos e - si le Regno Unite se junge le euro - extra designos preparate pro Scotia, Wales, Guernsia, Jersey, le Insula de Man e Gibraltar. Sr. Ford ha submittite un question parlamentari pro cercar un declaration clarificante del Commission. Ille appella al Commission a assecurar que designos national non offende altere statos membros e que tote le moneta es acceptate sin reservation pro pagamento per tote le UE. In un question separate, ille demanda, "In consideration del movimento enorme de gente in le UE, pote le Commission estimar, sin involver alcun systema absurde de transportar moneta estranier retro a su pais de origin, qual tempore va passar ante que le moneta es distribuite a hasardo per tote le UE?" COSAS CHOCCANTE Assertiones que le UE ha approbate bastons de choc electric pro vendita ha inducite Labor europarlamentario Glyn Ford a submitter un protesta al Commission Europee. Le bastons es vendite per le Compania Plasticari Huang de Taipei, Taiwan. In un question parlamentari, Sr. Ford indica que le firma assere que illo ha certification CE pro le apparato. In le interim, un altere Labor europarlamentario - Lyndon Harrison - assere que benes periculose electric fabricate per firmas picaros in China es vendite in Europa. Ille dice: 'Insecur caldieras electric continente componentes de securitate contrafacte que se vende in le Union Europee es un periculo a consumptores tanto ben como al proprietate. Appellante a un 'application vigorose del directivos CE de marcatura e voltage basse', Sr. Harrison recognosce le effortios facite per le Republica del Populo de China, in particular, le provincias de GuangDong e ZheJiang, a discontinuar le operationes del firmas picaros e a destruer lor stock in magazin e machinas de fabrication. COMMERCIO ESTRANIER Tres commissarios va parer avante le committee omnipartitari de commercio estranier martedi le 26 de januario. Vice-presidente del Commission Manuel Marin va esser al discussiones de 10.30 a 11.30, sequite per Hans van den Broek pro un hora additional. Sir Leon Brittan va apparer de 16.30 a 18.00. DERECTOS EQUAL PRO OBREROS CON CORPORES PERFORATE E CAPILLO VERDE Social Democrato danese Freddy Blak ha prendite le fuste in mano pro un gruppo particular de victimas del discrimination al sito de labor. In un question parlamentari al Commission ille demanda si le dimission o discrimination contra 'homines qui ha le capillo longe, porta le pendante de aure, ha lor corpores perforate, o qui tinge lor capillo colores inusual es un infringemento del legislation del opportunitate equal, mesmo si illos esseva informate in avantia de lor empleo que certe criterios debe esser satisfacite in le sito de labor?' Le responsa del Commission es ancora a publicar se. DISMASCAR LE MENDACIO DEL BUREAUCRATIA EXCESSIVE Le Commission Europee ha justo 54 personal pro tote un million cititanos, secundo le numeros obtenite per Labor europarlamentario Richard Corbett. Le revelation dismasca le mytho eurosceptic que le UE es administrate per un bureaucratia excessive. Numeros que Sr. Corbett ha obtenite de Commissario Erkki Liikanen monstra que le population UE de circa 370 million es servite per 19,830 functionaros public - 16.666 in le plano del bursa operational establimentari e 3.164 in le bursa de recerca. Le ratio, dice Sr. Liikanen, es 53.6 officiales a un million habitantes. AUGMENTATION DE CONTRACTOS PRO PARVE COMMERCIOS Le UE debe dar parve commercios un stimulo per le politica de procuramento public, dice Labor europarlamentario Mike Tappin in un reporto pro debatto al session in Brussels le 27 de januario. Ille vole objectivos voluntari pro contractos essente ganiate per parve e medie interprisas a esser fixate per le Commission in conjunction con le statos membros del UE e organizationes representante sectors industrial e organizationes commercial. Sr. Tappin equalmente vole legislation UE obligatori a assecurar le conformitate conn legislation social in proceduras de procuramento. Regulas del UE super offertas debe esser vermente integrate con le politica del ambiente. Desde le 1 de januario de aqueste anno, annuncios de procuramento es disponibile al interrete per le edition a linea del Jornal Official del UE. Un functionario diceva que le annuncios includerea profilos del comprator, assi adjutante le commericios a reducer le formalitates bureaucratic e identificar le opportunitates. Le Commission ha un objectivo de 25 per cento de tote le procuramentos public essente facte electronicamente per le anno 2003. LE CAMBIO DEL CLIMATE Le Commission va facer un declaration super le cambio del climate mundial al plenario de Brussels le 27 de januario. REGULATIONES DE PULLOS Regulas UE super gallinas a batteria essera plus stricte in un revision de un directivo de 11 annos e extendite a altere typos de gallinas a poner ovos. Le nove regulas, a devenir in effecto a 1 januario 2009, include un prohibition contra le disbeccamento e provision de annidar, percha, e detrito. German Socialdemocrato Heinz Kindermann va presentar un reporto pro le committee omnipartitari del agricultura al session a Brussels le 27 de januario. PRESENTIA MINISTERIAL German ministro pro affaires social e labor Walter Riester va presentar le programma del Presidentia del Consilio al committee omnipartitari de affaires social a 15.00 lunedi 25 januario. Education Presidente del Consilio Edelgard Bulmahn va reunir se con le committee a 10.00, martedi le 26 de januario. Illa va reunir se con le committee de education a 11.00. FIN Pro informationes super interlingua visita http://www.interlingua.com (in interlingua e altere linguas) http://www.interlingua.org (in anglese) Traducite per Stan Mulaik