Seniores!
Ecce hic un tactica interessante pro combatter le SPAM (e-posta non
sollicitate, generalmente con contento publicitari), que io ha traducite
de un altere littera.
Io soleva reciper spam e alora sequer le recurso de responder con
"REMOVE" in le linea de subjecto, como illes diceva, pro esser removite
de lor lista. Alora io discoperiva que isto es solmente usate pro verificar
un conto active, faciente que tu adresse sia vendite a altere listas. Lo
que io face ora es repassar (forward) le message con tote le "headers"
al dominio de ubi le spam se ha originate. Generalmente, le majoritate
habera un adresse de e-posta como "abuse@nominededominio.com"
pro tractar de tal casos, mais si tu recipera un error "adresse inexistente"
("no such address"), invia lo a "support@..." o qualcunque conto
que tu succedera a trovar associate al dominio. Io ha habite resultatos
meraviliose con isto, viste que companias como Yahoo, HotMail, e mesmo
AOL apprecia esser informate quando iste cosas occurre. Le majoritate me
informa quando le conto ha essite identificate e eliminate.
Isto non va stoppar le spam, mais te dara un medio de contraattaccar.
Isto es interessante, viste que io mesme ja comencia reciper alcun maledicte
messages "spamistic".
A revider!
--
ENSJO : EMERSON JOSÉ SILVEIRA DA COSTA
Homepage : http://www.nautilus.com.br/~ensjo/
UIN ICQ : 713833
INTERLINGUA - lingua auxiliar international
Info : http://www.interlingua.com/europa/queesinterlingua.html
Brasil : http://www.nautilus.com.br/~ensjo/ubi/