Gratias, Ensjo, pro vostre correctiones e suggestion a mi traduction del articulo super le bombardamento de Yugoslavia. Io es curiose. Como exprime le jornales in brazil "stealth fighter"? "stealth" es un substantivo usate como un adjectivo. In anglese on non dice "stealthy fighter", ubi "stealthy" es un adjectivo correspondente al "furtive" de interlingua. Actualmente a dicer "stealthy fighter" in anglese diminue le 'poter' del concepto. Illo es un AVION DE COMBATTO de furtivessa (un parola io esseva fortiate a crear proque a dicer "furtivitate" face le parola troppo 'abstracte'). Io es malade con un bronchitis subite con un febre de circa 40 C (103.6 F). Io ha non legite mi e-posta desde venerdi. Hodie (dominica) mi febre es diminuite, mais io non es ancora retorante al sanitate. Io solmente jace super mi sofa e telespecta CNN e le final jocos del NCAA in basketball. Con respecto al attacco contra le militares in Yugoslavia, io ha mi dubitos que illo comenciava troppo tarde. Il pare que le reportos de Kosovo indica que milles de albanese-yugoslaves jam esseva fortiate de lor casas e expellite del pais durante que lor homines esseva prendite a un fato incerte. Il pare que tote le intellectuales e ben educate es equalmente executate. Pres. Clinton ha perdite plure dies in retarder le attacco pro inviar le Ambassator Holbrooke a negotiar plus con Pres. Milosovic. In le interim le fortias del armea serbe lanceava lor attacco contra le population civilian. Quando le attacco reduce le effectivitate del defensas aeree a facer possibile que le aeroplanos contra-tanks pote attaccar le tanks e artilleria, il possibilemente non va haber un population albanese a salvar. Ancora io non volerea esser con le truppos del armea yugoslavian in Kosovo, proque io es secur que lor tanks e artilleria e camiones essera destruite. Rememora le retraite del armea Iraki de Kuwait? Stan