Amicos!

Le Mysterio del Cinque-Stellas ha ancora alcun pauc terminos a
traducer. Esque vos poterea adjutar me?

Io presenta le lista infra. Primo, le termino portugese, a vices con
synonymos in altere linguas. Quando possibile, io forni un traduction
litteral del termino. Postea, io explica lo que illo significa.

Vos pote contribuer con synonymos in altere linguas-fontes,
suggestiones de altere terminos pro substitution, etc.

Retrato-falado [Portrait parlate].
Un portrait designate secundo le description verbal de un persona. Un
ressource usate per le policia pro identificar criminales.

Luta-livre, Lotta libera (Ita) [Lucta libere].
Stilo de lucta. (Forsan isto es le "wrestling" anglese?)

Marmelada [Mermelada].
Un argot brasilian que indica un negotio dishoneste. Applicate a
luctas, le termino indica que il habeva un accordo inter le
luctatores, a fin que un de illes perde voluntarimente le lucta. In mi
dictionario Portugese--Interlingua, io trova sub "luta simulada"
("lucta simulate"), le traduction "sciamachia". In le IED io trova:

     scia·machia (-ía) n sciamachy, sham fight, shadow boxing

Esserea isto le termino que io trova?

Faixa-preta [Banda nigre]. Black belt (Ang) [Cinctura nigre].
In luctas como karate, judo, etc., un cinctura de panno que indica le
nivello maxime de maestria. Tamben applicate al persona qui lo porta.

Cavalo [Cavallo]. Knight (Ang) [Cavallero].
Pecia del joco de chacos.

Bermudas.
Pantalones curte, que arriva al nivello del genus. (Rememora le vestes
del films de safari!)

Casco.
Le corpore de un imbarcation, sin masts, apparatos accessori,
chimeneas o altere complementos. Pro le traduction que io face, io
vole un parola que pote referer se al superficie externe de un
imbarcation, que entra in contacto con le aqua.

Criado-mudo.
Mobile basse, con tiratorios, simile a un micre armario, que resta al
latere del lecto, e intra le qual se pone objectos utilizabile durante
le nocte.

--
   ENSJO : EMERSON JOSÉ SILVEIRA DA COSTA
Homepage : http://www.nautilus.com.br/~ensjo/
 UIN ICQ : 713833

INTERLINGUA - lingua auxiliar international
    Info : http://www.interlingua.com/europa/queesinterlingua.html
  Brasil : http://www.nautilus.com.br/~ensjo/ubi/