Car amicos,

        Le musica e le cantiones me place multo. Alora io decideva essayar
de scriber in interlingua un cantion multo famose in le paises hispanophone.
Le titulo original es: Amor Eterno, e illo era scripte per le compositor
mexican Juan Gabriel. Io non es totevia secur si lo que io ha scribite es
cantabile, ma io ha un nepto (nephew, sobrino, nipote) qui habita Mexico e
qui canta con su gruppo musical. Forsan io potera registrar le cantion in un
casseta durante le estate proxime quando io spera visitar mi soror. Il me
haberea placite multo haber habite le oportunitate de ir a Romania pro le
Conferentia del UMI, e haber potite mostrar le cantion li. Ora io debe
sperar duo annos... Tosto io scribera le parolas (le texto) del cantion e io
volerea reciper vostre commentarios. Io vole saper si le texto es
comprehensibile!!

        A revider!!

                        A r t u r o