Car Amicas e Amicos, io regratia Arturo e Jan pro lor interesse. Io usa Realplayer G2 e pro illes qui non haberea iste ultime version io ha ponite al pede del pagina http://famiglia.digiland.it/1220 le ligamine pro discargar lo. Etiam al pagina http://www.agora.it/M.Malaguti vos pote leger "Si tu ha problemas con le lector clicca hic" e effectuar le actualisation de vostre version. Esque isto sufficera? Francamente io non es secur. Io nota que un computator reciper sempre plus nove software e que nos pote obtener sempre de plus ab illo. In realitate nos paga sempre un precio pro isto e nos habera plus contratempores inexpectate pro le quales io non trova un solution si non in probas e probas, e quasi sempre, con comportamentos differente computator pro computator. Jam non ascolta e ille ha jam RealPlayer, forsan non le Realplayer G2; Arturo ascolta toto, ma non solmente le phrases del prime pagina. Ubi es le logica in isto? Io non sape. Forsan nos debe esser disponibile a plus probas pro mitter a puncto nostre computator, principalmente. Io non exclude de esser io le causa e pro isto io facera le possibile pro non esser lo. Esque il sera tempore de depurar vostre directorio Temporary Internet Files, si vos usa Microsoft? Esque vos ha probate a actualisar le pagina? Con le sono nos debe etiam attender in reporto al velocitates del differente componentes: schedulas, modem, telephono, hora del connexion, etc. Io proponera de discargar le complete curso, o su partes, e pois un CD-ROM, ma antea nos debe developpar de plus de lectiones e super toto eliminar le errores. Nos ha comenciate con "isto" pro iste! Ubi pervenira nos al fin de iste septimana? Salutes amical de Rob Roberto Pozzi Strada Bibano, 9 - 31100 Treviso (Italy) tel. (+39) 0422 420790 - fax (+39) 0422 420789 http://www.i-gi.com AIPI - Association Italia pro Interlingua http://interlingua-aipi.com