Le maniera in que le MacDonalds e Wendys invade le resto del mundo non es exactemente un phenomeno american, mais un phenomeno del capitalismo in que initialmente national companias deveni plus competitive que local. In le 1940s e 1950s in tote le partes del Statos Unite il habeva botecas local que vendeva le hamburgers. Mais circa 1950 MacDonalds ha apparite in plure citates del Statos Unite, e postea in tote parte de Statos Unite. Lor operation esseva plus efficiente, e con le accrescite mobilitate del gentes american a causa del automobile, gentes de un citate recognosceva le mesme marca de hamburger in MacDonalds, e mangiava lor hamburgers. Le botecas local non esseva capace de resister iste competition national. Hodie le competition es multinational, e companias como MacDonalds non es vermente american, mais multinational. In un reporto del bombardamento de Beogrado hodie, io notava in le distantia detra le reporter le familiar M curvate de MacDonalds. Stan Mulaik