Mario... Francamente... Io non succede a creder que tu non ha al minus un pallide idea de lo que va evenir a Focsani in julio!!! Sin haber tamben jammais participate de un tal Conferentia, io succede a imaginar que il habera discussiones super promotion del lingua, discussiones super le lingua mesme, discussiones super le sito web... E le participantes mesme pote collaborar con contento, proponente lor proprie discursos tamben. Tu, per exemplo, poterea parlar de tu ideas quanto al diffusion de Interlingua in japonese, non esserea isto interessante? (Io mesme, con un certe interesse verso japonese, appreciarea MULTISSIME un tal discurso. Boku mo nihongo ga totemo suki desu!) E obvio, le idea tamben es practicar Interlingua 24 horas per die, durante tote un septimana. Isto non te pare un bon methodo de apprentissage: immersion total? Illo ha functionate con Frank Pfaff, como tu ha potite constatar si tu ha ja audite/legite Radio Interlingua. E tu, qui vole tante informationes super UMI, su statutos, etc., poterea profitar de iste mesme opportunitate pro obtener los. Esserea le fin de iste dubitas (sperabilemente!). Tu ja nos ha dicite que tu non es amante de conferentias, reuniones, etc... Ma io, in tu position, participarea al minus de UN Conferentia International de Interlingua, a fin de obtener tal informationes e "sentir" le evento. (Non dolera, probabilemente!) Postea, tu haberea elementos pro decider si tu volerea participar in le Conferentias subsequente o non. Amicalmente, Ensjo.