Ensjo scribeva (como responsa a Mario): >..."Mario... Io solo opina que isto es un motivo in plus pro que tu participa in (al minus) iste Conferentia. Io sape que tu es dedicate al stabilimento de gruppos de labor sur le Internet. Io vide que tu te incommoda del facto que UMI realiza un Conferentia a cata duo annos pro facer planos, malgrado poter facer planos die-post-die, con le medios de communication que nos ha hodie. Ma como tu intende de cambiar iste situation? Tu letteras non pare haber provocate le effecto desirate. Forsan a causa de tu modo troppo elaborate de scriber, tu letteras es (era?) aliquanto difficile a leger. (Non prende isto como un critica personal, per favor! Ma rememora que plus que un vice io te ha indicate iste problema.) Isto ha facite que multes non ha date le sufficiente attention a tu letteras, desistente de leger los in le medietate del lectura. E pensante duo o tres vices ante tentar releger los... Assi, post esser ignorate durante alcun tempore, tu te ha facite notar per inviar letteras a INTERLNG, creante parve "tempestas" in publico. Primo, le question del Statutos. Ora, le question del Conferentia. Le impression que remane es que le personas qui tenta, a su modo, promover Interlingua es considerate incompetente. Malgrado toto, io vide que tu ha interesse in un efficace promotion de Interlingua. Assi, Mario, io te pete (io ja quasi te implora): Vade al Conferentia. E qual le programma del Conferentia? Non importa! Le programma es ancora aperte! Apporta TU programma, que essera explicar, discuter, proponer, definir e stabilir manieras de planification e cooperation per Internet pro que UMI sia plus efficace in le promotion de Interlingua. Como stabilir un Intranet pro infrastructurar iste cooperation? Como possibilitar le cooperation del personas qui non ha accesso al Internet? Esque on deberea alterar le Statutos pro "officializar" IL_STRAT como un organo decisori de UMI? Etc. etc. etc. Io sincermente non vide un melior opportunitate pro un tal "campania" que un Conferentia. Totes essera la, 24h per die, durante tote un septimana... Necuno va fugir! ;-) Tu ha le ideas. Profita de iste opportunitate! Amicalmente, Ensjo."...< A M E N!!!!