Salute! Allan Kiviaho ha scribite plure messages sub iste titulo. Illos es interessante e debe esser discutite plus. Io ha discutite isto con George Petrineanu. George es un ingeniero romanian qui vive in Svedia. Ille es anque participante in INTERLNG. Io crede que nos es de accordo de alcun punctos. Ma si nostre opiniones diverge, io es responsabile del texto sequente. 1. Le publico intendite Nos vide que Allan ha pensate a usar le articulos como introduction in le "problemas babylonic" e que interlingua poterea esser un solution. Ille ha primarimente pensate al situation in Europa. Le version presente es scribite pro finnophones ma versiones svedese, germano, italiano e altere linguas es possibile e forsan desirabile. Allan ha usate le termino "brochure" e io suppone que illo pote esser un texto imprimite e anque un publication in Internet. 2. Argumentos pro un "Unilingua" como George e io los reguarda. 2.1 Como Allan ha demonstrate on debe accentuar le hereditage latin e hellenistic in le linguas europee (mundial). Le etymologia, le affixos, etc narra un historia interessante que pote appellar. 2.2 Le probabilitate alte que le lector pote recognoscer grande partes del vocabulario es importante. 2.3 Que le lingua ha un orthographia que es multo proxime al pronunciation es desirabile. Nulle phonemos que es difficile a pronunciar pro certe usatores. 2.4 Nulle o pauc irregularitates del grammatica que debe esser simple. 2.5 Vocabulario ric ma non troppo redundantia (troppo de synonymos) 3. Conclusiones Le lista hic supra es inspirate de George e io es de accordo. Un tal argumentation debe ducer le publico al conclusion que interlingua serea un bon "unilingua". Io es semper hesitante re parlar de esperanto in nostre communicationes e comparar lo e interlingua. Io crede que on es obligate a nominar esperanto ma on non debe involver se troppo in isto. Normalmente cata uno de nos ha su lingua materne multo car. Il es non apte a ridiculisar anglese e americano o altere linguas. Allan non ha ridiculisate ma forsan parlate troppo del disadvantages de anglese. On evelia solmente ira. Ma il es OK a accentuar que anglese es un lingua difficile a apprender anque si illo es multo propagate e jam joca un rolo como lingua franca mundial. Nos sape que Allan non ha un intention mal re anglo/americano ma burlas es sovente miscomprendite. Io opina que le material presentate de Allan es un fundo usabile pro scriber brochures intendite pro differente publicos national. Un adaption e selection del factos es necessari. - E de novo: caution de critica de linguas national! Amicalmente Jan Årmann -- Jan Årmann/Jan Armann Generalsgatan 12 E; S-903 36 UMEÅ/UMEA, Sverige (Sweden) Tel & Fax +46 (0)90771525; Mobilphone +46(0)706594934 e-mail: [log in to unmask]; [log in to unmask]; [log in to unmask]; [log in to unmask] ICQ - UIN nr:785745; http://www.algonet.se/~armann