Como illo ha devenite un tradition, le programma pro le conferentias de interlingua essera expedite al participantes si proxime al conferentia mesme como possibile. Isto es, naturalmente, pro esser secur que illo include le ultime correctiones de contento e tempore, etc. E isto naturalmente anque es un consequentia del facto que un grandissime numero de organisationes e membros non ha accesso a Internet e assi debe servir se del posta traditional con lor propositiones a punctos e discursos que essera discutite in detalios inter le comité organisatori e illes ante de esser fixate e publicate. Nos prefere qualitate ante haste - secundo experientias practic un bon strategia. Io solmente vole mentionar que Panorama ja ha mentionate plure themas e sectiones a esser tractate, e io pote calmar Mario Malaguti e eventual alteres que le comité organisatori ha multo a facer con le programma que se developpa dynamicamente. Le conferentias es eminente occasiones pro discuter in fundo questiones organisatori e practic - e de usar interlingua ab matino a nocte. Un tote septimana permitte que questiones, problemas, strategias, initiativas, ideas etc. pote obtener le plen attention del participantes pro finir in fructuose resultatos qualitative. Le conferentia in Romania iste anno - le 24-31 de julio - non essera un exception. Vos pote omnes gauder a participar. Inscribe vos per http://www.geocities.com/Athens/Forum/1149/scheda.htm si tosto como possibile. Le limite es le 1 de junio. Vos attendera un septimana interessante! Con mi optime salutes - e a revider in Focsani Thomas Breinstrup