A vices il occurre tempestas turbulentes ma illos non ha le fortia como in le Statos Unite. Io reminisce del geographia scholar que Europa, que es plus tosto un peninsula de Asia es sub un forte effecto del Currente Golf (Golfstream, Golfstrømmen) e le aere polar se move in un altere maniera presso nos. In plus Europa ha le Alpes que in principio va in direction est-west (oriento-occidental) e functiona como un barra-aere (o barricada de aere si vos prefere), durante que le Montes Roccose va in directo septentrional-meridional (nord-sud) lo que significa que le aere arctic pote mover multo distante al sud in le mesme maniera que le aere tropic pote mover se a grande distantia al nord, lo que significa que in le Statos Unite e Canada le climato pote esser multo plus cambiante. Nos vermente ha tempestas ci in, pro exemplo, svedia de tempore a tempore ma multo infrequentemente del magnitudine como in America. In Asia le Himalayas es obviemente le grande "barrator" de aere tropic e arctic e determina un totalmente altere climato quam le american, ubi le nord sembla haber un multo plus frigide climato quam expectate. A iste tempore del anno il occurre sovente que le plus belle temperie ha le nord de Svedia, viste que massas de calefacite aere super Russia se move al west super le terra e quando tal altos russe attinge le parte nord e oriental de Svedia nos ha un phantastic tempore meteorologic in iste pais. Tempestemente [log in to unmask] Kjell Rehnström Vänortsgatan 87 752 64 UPPSALA Tel. 018-50 22 35