Io suppone que isto es un cosa de generation. Nove traditiones se crea multo rapidemente. In le trentas veniva un tradition a Svedia que on pone un stella rubie (un construction con un candela o un lampa) in le fenestra al tempore de advento (le 4 dominicas ante Natal). Iste tradition veniva de Germania, e io es certe que omne svedeses lo senti como un tradition genuinemente svedese. Le arbore de Natal es un abiete, etiam un presto del classe burgese de Germania. Nunc le juvenes es interessate in Halloween (inspirate per le multe films sur iste thema, ma il se crea un svedese halloween). Cata pais face su proprie version. O prende le pizzas italian que es nominate _Marinara_ e _Quattro stagioni_ in omne le paises scandinave. In un restaurante de Finlandia tu pote esser salvate per un pizza Marguerita_ si tu non comprende que es le _pihvi_ que on ha in le menu, e tu non ha le corage de probar! Le question es quanto nos es le objectos de fortias natural del mercato e tendentias monopolistic. Como pote il esser que nos sin problemas ha un frequentia televisive que transmitte Radio One del Statos Unite quando il non ha altere programmas in iste frequentia? Como pote il esser que pro requardar television de mi paises vicin (in micaso Finlandia, Danmark e Norvegia, il ha problemas insurmontabile e io debe pagar un certe summa mensualmente, durante que reguardar un massa de canales in anglese il es multo facile. Canales german es difficile vider, ma illes in anglese se vide facilmente ubique. Quando nostre monopolio de telecommunication primo furniva programmas de television a cable, on poteva vider le transmissiones del sovietic _Horizont_. On propagava le adhesion al systemas de television de cable per le possibilitate vider _Ghorizont_ (como on scribeva. (In russo on usa le littera g pro nostre h in multe parolas. Un Hitler deveni un Gitler - solo pro dar un exemplo). Plus tarde, quando il habeva CNN, Deutsche Welle, BBC world service, Sky News etc. on subito aboliva le Gorisont (malgrado que il ha multe personas qui comprende russo in iste urbe de Uppsala). Le russos "non prendeva moneta" pro le uso del satellite e per consequente le telecom non poteva prender moneta ab le consumente! Nos pote naturalmente como consumatores postular lo que nos vole, e si nos non vole jeans american o hamburgeros nos pote facilmente transir a Shishkebabs de Turchia. Vos pote dinar un Döner presso Saffet's o un Calzone presso La Bella Pizza pro exemplo, si tu es ci in Uppsala. Io sole dicer que le allegate americanisation de Scandinavia es un cosa multo superficial. Con salutes americational [log in to unmask] Kjell Rehnström Vänortsgatan 87 752 64 UPPSALA Tel. 018-50 22 35