Ben que il es un placer de scriber e leger interlingua a interlng, io opina que nos non debe devotar tote le tempore pro iste activitate, si nos vole propagar interlingua. Il ha multe gruppos de novas in le interrete, p.e., soc.culture.italian, soc.culture.europe, soc.culture.spain, soc.culture.catalan, soc.culture.argentina, soc.culture.brazil, etc. ubi on pote postar le messages in interlingua o super le interlingua. De plus, io opina que si duo o tres interlinguanos vade a un tal gruppo e posta messages al un le altere, que isto parea como un activitate legitimate social e non de un individuo. Per exemplo, si io responde a un message de Arturo a soc.culture.mexican in interlingua, e ille responde a me in interlingua, nos exhibi a mexicanos e mexican-americanos le existentia de interlingua. Que pensa vos, Arturo? Stan Mulaik