Io suppone que le melior methodo pro crear un serie de glossarios interlinguan es construer un base de datos con entratos parallel pro plure linguas. Le cosa importantissime es comenciar con un bon schema. Pro mi parve projecto de un glossario informatic, io usa un folio electronic de Microsoft Excel, non le solution optime, ma illo functiona. Si io lo refaceva de novo, io includerea un campo identificante le fonte (dictionario etc.) de cata dato. Io suppone que le Internet contine multo materia utile pro un tal projecto: listos de parolas etc. A justo un certe puncto, on pote automatisar le processo in parte, proviste que le resultatos sera revidite attentivemente per parlatores native. Naturalmente, nos parla ci de simple glossarios, non de dictionarios in le senso plen. Dictionarios, tales como Piet Cleij, Helmut Ruhrig, o Peter Gopsill ha facite, es obras de un complexitate plus alte. Nonobstante, sia glossario, sia dictionario, on besonia tal utensiles in le Internet. Amicalmente, Chris Burd Victoria, Britannocolumbia