Car amicos,
nunc nos del conferentia de Focsani es reunite in un belle
sala con aere conditionate, pertinente al communitate
politic de Focsani. Nos es gruppate in differente nucleos de
discussion pro discuter initiativas a celebrar dignemente le
prossime anno le 50. anniversario de Interlingua. Il ha un
numerose gruppo de juvenes bulgare e romanian interessate.
Nos tamen pro rationes technic non pote vos informar
detaliatemente in re lo que se proponeva. Il habera in omne
caso un reportage detaliate publicate super Internet al fin
del conferentia. Usque nunc le discursos e discussiones
esseva satisfaciente. Io legeva vostre messages al
assemblea, le qual manda vos alsi su salutes cordial.
Toma Macovei, benque in vetule etate, esseva enthusiastic de
nostre presentia in Romania, e lo considerava como le
coronamento del effortios de su vita. Ille facera nos un
discurso super su labores in re un dictionario encyclopedic
in Interlingua.
Pro le momento io termina hic.
Cordial salutes a omnes.

Paolo & le alteres

Paolo Castellina
Focsani
_______________________________________________________
Get Visto!  Groups, event calendars, email, and more...
Check it out @ http://www.visto.com/info