Io obviemente recipe messages del lista in un poco estranie ordine, e il sembla que io ha perdite certe excambios. Nulle problema, del resto. Le ultime message de Mario que io legeva ubi ille scribeva del linguas que ille apprendeva etc. me faceva pensar como paradoxical pote esser evenimentos. Al mesme anno que interlingua era publicate io audiva del existentia de esperanto e io me recorda legente le Revuo Esperanto internacia in ille anno. On debe pensar quante interessante haberea essite le situation si io jam in ille annos haberea audite de interlingua ! Io pensa que nos debe tolerar plure manieras de attitude al necessitate de organisar se. Imagina pro exemplo que on habera un organisation que face nihil pro laborar in favor al cosa que on pensa es de interesse. In iste caso cata interessato debe facer lo que ille o illa pote pro avantiar le cosa de interesse. Ecce un poco de ideas. Io ha usate interlingua in varie gruppos de discussion, quando io pensa que io ha qualcosa dicer. Pro me interlingua es multo plus usabile quam le anglese io lo usa con multo plus grande precision que anglese. Solo svedese es plus facile pro me que interlingua. E nos debe confessar: Svedese _non_ es un del ben comprensibile linguas mundial. Per consequente, lassa lo esser interlingua. ;-) Io es interessate participar in cata discussion in le qual io pote auxiliar in promover interlingua. Amicalmente