Vidente que Piet ha facite comentario super le discussion religiose, con cuje opinion io es in accordo, io vole notar que in travaliar super mi dictionario espaniol-interlingua-anglese, io ha incontrate sovente nove parolas non in le IED. In certe casos io debeva constatar le formas standardizate basate super un recerca del prototypos del variantes. Io es felice de notar que in quasi tote casos quando io plus tarde cercava le lista de parolas non in le IED per Piet, que su solution esseva le mesme como le mie, que monstra multo clar a me quanto objective le principios es in lor application, proque duo individuos pote cercar independentemente e ancora obtenir le mesme solutiones. Io ora cerca le lista de Piet pro salvar me le tempore, e solmente in altere casos debe io recercar le prototypos. Io ora disveloppa le philosophia que quando il ha necun forma international pro un parola que il es possibile a devenir creative in le quadrato de principios basic, que on pote cercar un forma recognoscibile immediatemente, o basate super duo del linguas contribuente, si illos es grande in le numero de lor parlantes, o usante formas jam in le vocabulario international. In tal casos il ha necun solution final o unic, e le creativitate literari es le option on pote selectionar. Stan Mulaik