>Iste reaction de intolerantia es exactemente le ration pro le qual io pensa que >iste foro non es un bon loco de discussiones religiose. Ab nostre amicitate >ligate al amor pro Interlingua, nos ha nunc un situation ubi un persona accusa >le altere de non cognoscer le "via correcte" de creder in Deo! Basta, per favor! >Si on vole parlar re themas religiose, que on se scribe privatemente! >Esteban Car Esteban, gratias pro tu incoragiamento pro exercer plus tolerantia. Le ration pro le filo de discussion esseva le inclusion de discursos religiose in le programma del conferentia e in le sito official del UMI. Io non crede que un organisation secular ha le directo de imponer un opinion al publico si illo non lo propone officialmente. Il necessita haber plus distinction de illo que es official e private. Le UMI es un societate aperte a qualque personas se interessa in Interlingua. Le differentias inter Paolo e io jam ha annos que esseva obvie. Ma io sempre essayava de tractar a ille in un forma amical e sin prejudicios. Ma como il me pare obvie alsi que le conferentias ha le influentia de Paolo como clerico semi-official io de necessitate ha parlate proque il pare esser un del rationes que le Interlingua Institute e le UMI habeva differentias de opinion. Io vive in le Statos Unite e hic on respecta le division del stato e le religion. Paolo veni de un tradition ubi le stato es le religion. Le horrores del calvinistas mesmo como le catholicos antique que conflagrava al hereticos es exemplo de su intolerantia. E ben que pote on trovar pro excusar ille horrores? Nunquam! Illo esseva peccatos contra le humanitate. E personas que se altia pro dar discursos in re themas religiose primemente necessita repudiar le horrores del hypocritas politico-theologic. Secun io comprende le Interlingua Institute es nunc morte. E le odor de su disgustante putrefication va attachar se al vestimentos de omne qui esseva implicate. Io como uno que non sapeva lo que occurreva detra le curtinas esseva attaccate per gente del IL_STRAT, de lo qual io ha affirmation de membros que non del toto concorda con lor discussiones. E non solmente io ma alsi alteres como Kjell, un persona que io admira e que considera un del fortias in publicar le belle lingua international. Que faceva nos contra illes? Alcun del personas in alte postos me ha inviate documentos que demonstra le cosas horribile que passava detra le curtinas. E nunc io pote comprender melio que le puncto del religion esseva solmente un pretexto. E como es ver io alsi pote dicer que lo que me infuria non es le resultato del situation, ma le processo. E lo importante non es le discussion de themas religiose, ma le respecto pro le ideas de alteres. E quando io me senti denigrate e dispreciate e sin haber facite cosa alcun a alteres que io pote vider illo evelia in me un sentimento vindicante e un furia justificate. Io vole haber bon relationes inter le altere interlinguistas e me. Io sempre acceptava le pena de dicer in publico mi regrettamento si io faceva alcun error o diceva alco in le qual io non usava bon judicamento. Io essaya haber humilitate e non me considera melio que necun altere persona. Ma illo non le da le derecto a alteres pro denigrar e insultar mi nomine. E tunc hic le question. Es que nos va continuar le inclusion de certe opiniones religiose in un foro public e secular al exclusion de alteres? Sincer e amicalmente, Jay B.