Car Kjell, Gratias pro explicar le problema con le ligamine que Paolo nos dava. Io videva como le linea esseva partite e tunc lo truncava e iva directemente al index e depost al prime responsa que ille dava, il me da multe placer poter leger su responsa, e io me interessa in saper lo que ille opina. Ma in quanto a Barabbas illo si que significa "Filio de Patre" ma Bar es un termino Arameo, un del linguas international e auxiliar del mundo antique. Le judeos usava multe terminos aramaic. E le nomine de Bartholomeo es assi tamben aramaic. Ma le reputation del Barabbas era famose como un revolutionario contra le Romanos. E si tu nota le phariseos e le sacerdotes de ille tempore incitava al massa de gente pro clamar in favor de Barabbas. (Oh, le termino pro "filio" in hebreo es "Ben" como in Benjamin) Io ha audite del theoria que tu mentiona ma io non crede que isto era un problema pro le personas presente illac secun lo que dice le evangelios. E Josepho alsi mentiona alco de illo, e ille como historiator neutral es un bon supporto. Le libro que tu mentiona... es illo le base pro le filme "Barabbas" con Anthony Quinn? Ille es un de mi favorite obras cinematographic. Amicalmente, Jay B. -----Original Message----- From: Kjell Rehnström <[log in to unmask]> To: [log in to unmask] <[log in to unmask]> Date: Sunday, 08 August, 1999 10:56 AM Subject: Re: Dicussiones religiose >Pro esser secur de attinger le sito de Paolo vos debe assecurar que illo se >appella >http://www.fortunecity.com/littleitaly/buonarotti/24/trinitate/index.html. >Ego habeva perdite le _tinitate_ primo e veniva al _Fortunecity_ que diceva >que alcun tal cosa como le url de Paolo non existe, sed postea quando ego >donava le url correctemente, ego era ibi in secundos. Sed ego videva solo le >index, e probante attinger le varie locos ego stava sur le loco, e elio non >poteva, como nos apprendeva que Martin Luther diceva olim. > >Ego pensa que isto es multo interessante. > >In plus ego hodie audiva que un scriptor svedese unquam lanceava un theoria >secundo le qual Barabbas significa le Filio del Patre e que le populo >realmente vole liberar Jesus como le Filio del Patre, sed le populo es mal >comprendite, volens nolens, per le consilio del seniores. Nunc, ego non vole >riscar mi capite in iste cosa, solo basta forsan constatar si Barabbas >significa le Filio del Patre o non. > >Le scriptor Pär Lagerquist scribeva un multo bon libro Barabbas, que ego ha >legite con grande emotion in mi juventute. >