I-GI, Interlingua - Gazetta International ----------------------------------------------------------------- Folio de novas, a varie methodos de diffusion, per Mario Malaguti. Interlingua-AIPI, Agentia International Pro Interlingua ----------------------------------------------------------------- Edition via e-posta e in le pagina web: http://www.i-gi.com/folio/igi.html Numero 5 - anno 1 - le 3 de augusto 1999 Iste folio appare quando appare, forsan cata die. ----------------------------------------------------------------- Information on how to SUBSCRIBE and UNSUBSCRIBE is at bottom. ----------------------------------------------------------------- Summario de iste numero: 21 - Un communication al Pressa. Brasiliano de 26 annos vice-secretario de organisation mundial. ----------------------------------------------------------------- 21 - Un communication al Pressa. Brasiliano de 26 annos vice-secretario de organisation mundial. Con un nove presidente svedese de 27 annos e un nove vice-secretario brasilian de 26 annos, le Union Mundial pro Interlingua fortifica su direction pro le promotion del lingua international interlingua. Consilieros general ab tres continentes ha eligite Jesper Olsson, studiante de linguistica al Universitate de Lund in Svedia, nove presidente e Emerson "Ensjo" José Silveira da Costa, baccalaureato de scientias de computation, nove vice-secretario del organisation que conta representantes e membros in cinque continentes. Jesper Olsson seque le professor american de economia Leland B. Yeager qui post sex annos desira transferer su function a fortias plus juvene. Emerson José Silveira da Costa seque un altere brasiliano, Ramiro B. de Castro, qui anque ha occupate le posto durante sex annos. Emerson José Silveira da Costa ha studiate le linguas anglese e japonese in le universitate. Ille es active pro interlingua in Internet e esseva justo appunctate membro de un triumvirato que debe fortificar le professionalismo del sito del Union Mundial pro Interlingua (UMI), www.interlingua.com. Le secretario general del UMI, Piet Cleij ab Nederland, publicava le decision del electiones del nove presidente e del nove vice-secretario al 14-te Conferentia International de Interlingua in Romania le septimana passate. Le duo esseva applaudite per le conferentia. Le conferentia discuteva como professionalisar le labor del UMI con le sempre crescente interesse pro interlingua como le preferite instrumento de communication, quando personas sin un platteforma lingual commun se incontra. Interlingua consiste exclusivemente del vocabulario international, ha un grammatica absolutemente regular sin exceptiones, e es immediatemente usabile pro communicar, parlar e scriber con personas ab specialmente paises lusophone, italophone e hispanophone. Istes comprende interlingua a prime vista sin haber mesmo audite o vidite le lingua in avantia. Le Union Mundial pro Interlingua esseva fundate in 1955. Le consilio executive prende cura del labores quotidian e consiste ora de Jesper Olsson (Svedia) como presidente, Piet Cleij (Nederland) como secretario general, Emerson José Silveira da Costa (Brasil) como vice-secretario e Louise Delnoy-Sijstermans (Nederland) como tresorero-administrator. Le consilio general, que fixa le lineas general in le promotion de interlingua, ha membros ab Brasil, Canada, China, Danmark, Francia, Grande Britannia, Hungaria, Nederland, Norvegia, le Statos Unite de America, Suissa, Svedia e Ukraina. --------------- Al redaction. Informationes ulterior super interlingua on trova in Internet (www.interlingua.com). Questiones quanto al electiones es benvenite al subsignate. Piet Cleij secretario general del Union Mundial pro Interlingua e-posta: [log in to unmask] Congratulationes al electos! Mario Malaguti - mailto:[log in to unmask] ----------------------------------------------------------------- Io, como autor, garanti de interrumper le invio de iste e-posta si, per favor, on me roga de facer lo con un message de iste sol parola in le objecto: unsubscribe al adresse mailto:[log in to unmask] . Nos habera un melior incontro plus in avante. Gratias, nonobstante. ----------------------------------------------------------------- Pro reciper con regularitate le folio vole ben usar un e-mail al adresse mailto:[log in to unmask] con le sol parola: subscribe. Io regratia vos per avantia. ----------------------------------------------------------------- Io regratia per avantia pro le invio de textos, de adresses pro diffunder le folio, de criticas e omne forma de collaboration. ----------------------------------------------------------------- Le reproduction del contento de iste folio, in toto o in parte, con omne medio, es permittite, libere e desirate, si on ha finalitate licite e desira le diffusion de interlingua in tote le mundo. ----------------------------------------------------------------- Pro le compra de libros in interlingua visita iste pagina: http://www.interlingua.com/biblio/biblio.htm Pro exercer interlingua, adhere a un de quatro listas al pagina: http://www.i-gi.com/ o al lista Interlng, al pagina: http://maelstrom.stjohns.edu/archives/interlng.html o lista de Roma: http://www.agora.it/M.Malaguti Invia tu messages al lista de Roma: mailto:[log in to unmask] ----------------------------------------------------------------- Copyright (C) 1999 Mario Malaguti ----------------------------------------------------------------- Websitos del autor: http://www.i-gi.com http://www.telegrupigi.com http://www.affresco.com http://millennium.fortunecity.com/zebedee/682 http://members.xoom.com/Oncle_Mario http://digilander.iol.it/oncleab/index.html Monstras de pronunciation per le autor: http://www.agora.it/M.Malaguti/home.htm Ressources in internet per le websito del U.M.I.: http://www.interlingua.com/kyson/grammatica/breve.htm http://www.interlingua.com/europa/queesinterlingua.html http://www.interlingua.com/europa/vocabulario.html http://www.interlingua.com/europa/grammatica.html ----------------------------------------------------------------- The I-GI is a daily newsletter sponsored by Mario Malaguti. It can be reprinted and redistributed as long as the author and sponsor are acknowledged. Thanks. If you would like to unsubscribe from this newsletter please hit reply and put unsubscribe in the subject line. To subscribe, send email containing the word "subscribe" in the subject line to mailto:[log in to unmask] If you received this email directly from me, you do not need to subscribe. Have a nice day! ----------------------------------------------------------------- Adresse del autor: Mario Malaguti, Strada Bibano, 9 - 31100 Treviso (Italia) tel. +39 0422 420790 - fax +39 0422 420789 mailto:[log in to unmask] ----------------------------------------------------------------- sp1