Salute Sr. Alegrett! Ben venite a interlng. Io es felice que un altere hispanophono se interessa in le interlingua. Il es infortunate que il non ha plus materias educational pro hispanophonos. Il es difficile de crear los quando il ha tanto pauc intra nos qui parla le espaniol. Io currentemente labora super un dictionario de circa 24.000 entratas inter interlingua/anglese/espaniol. Io non parla le espaniol, que require que io usa multe dictionarios anglese-espaniol pro apprender le parolas que corresponde a aquellos de interlingua. Mais io progrede. Io ha inviate copias de lo que io ha complete usque ora a individuos qui parla le espaniol. Le forma in que io pote inviar lo es per medio de un archivo in texto de circa 1,2 mbytes. Io pote inviar lo de me computator a mi bureau, ubi io pote usar mi programma Eudora pro preparar lo como un attachamento. Opina vos que vos pote reciper un tal archivo e traducer lo a in un forma utile a vos? Stan Mulaik [log in to unmask]