Amicos, Io non ha legite Interlng pro plure dies proque le servitor de e-posta a Georgia Tech esseva suspendite pro facer meliorationes al systema durante le vacantias intersemestral. De plus io ha devotate mi tempore a scriber un articulo pro Philosophy of Science super le problema de conformar curvas a datos. E io ha habite le placer de visitar mi filios e lor familias. Io e le patre affin de mi filio minor habeva pagate un par de carpenteros a finir le basamento del casa de mi filio. Illes installava un camera de banio con W.C., divideva le basamento a in duo cameras con armarios, e coperiva le muros e le tecto del cameras con carton de gypso, creava un porta al posterior del casa in un del cameras. Heri io e mi sposa visitava me filio pro dinar e inspectava le obra. Bon! Le patre affin de mi filio ha un affair commercial de administrar le proprietates de alteros. Ille ha usate iste carpenteros desde 10 annos al varie apartamentos que ille gere, e illes es bon in le qualitate de lor obra. Si nos non semper trovar alcuno aqui a excambiar messages in interlingua, visitava un gruppo de novas in le interrete, specialmente in un gruppo que parla un del linguas basic de interlingua--espaniol, anglese, francese, italiano, portugese, germano--e cerca pro opportunitates a discuter in interlingua alcun topico. Monstra como interlingua es utile como un lingua auxiliar pro le excambios inter parlantes de differente linguas. Io visita gruppos como soc.culture.catalan, soc.culture.spain, soc.culture.italian, soc.culture.french, soc.culture.chile, soc.culture.europe, talk.politics. european-union. Stan Mulaik