>Io scribe iste message al mesme tempore
>que io ascolta un transmission radio via le
>rete in re Astrid Lindgren, qui moriva hodie..
>On ha parlate in le radio re le grande
>popularitate que Astrid Lindgren habeva in
>Russia.
>
>Cellus

Anque le pressa italian da hodie multe evidentia a iste autrice e recorda su
personage plus celebre "Pippi Calzelunghe".
Io lege que illa amava repeter de esser filia de agricultores. "Io cresceva
in un mundo ubi le feminas non era parve e debile appendices del homines, e
illas era plenmente par a illes, forte e energic . . ."
Al initio un belle figura de anticonformismo pro le mesme Svedia.
Sempre le mesme situation pro le personas qui ha le corage de esser se
mesme.
Illa era del 1907, solmente tres annos plus juvine de mi mamma e, in un
belle photographia publicate hodie, io discoperi in illa un certe similantia
phisic con mi mamma. E un certe parallelo in le character debeva intercurrer
in iste figuras de feminas qui ha percurrite quasi totalmente le seculo
passate. Astrid Lindgren habeva trovate su modo meraviliose de dar voce a su
esser femina e io crede que multe alteres ganiava iste position solmente con
lor presentia insubstituibile in nostre vita quotidian.
Al valor del autrice, al feminas de su epocha, mi reverente omage.
E mi gratias recognoscente.

Mario


_________________________________________________________________
Prova MSN Messenger per conversare in linea con i tuoi amici:
http://messenger.msn.it/