Le assemblea constituente del nove Europa.

Le Convention UE.

Il es le organismo cargate de preparar le grande reforma del Union Europee,
necessari in consideration del proxime allargamento del Union del 2004. Iste
organismo deberea portar in le 2003 al adoption del prime Constitution
Europee.

Le Presidio.

Il es le officio de presidentia del Convention.
Presidente le ex Chef del Stato francese Vale'ry Giscard d'Estaing.
Vicepresidentes le duo ex Premier de Belgio e Italia, Jean-Luc Dehaene e
Giuliano Amato.

Le 66 membros con plen derecto de voto.

15 Delegatos del 15 Governamentos europee;
2 Delegatos del Commission Europee;
30 Delegatos del 15 Parlamentos national;
16 Delegatos del Parlamento Europee;
3 Membros del Presidio: Giscard, Dehaene e Amato.

In plus 39 Delegatos del Paises que es candidatos al allargamento del UE.
Iste Delegatos non potera totevia impeder le consenso inter le membros
communitari.

Ubi e quando.

Le Convention se reunira in plenari duo dies al mense in le sede del
Europarlamento a Bruxelles, le Presidio se reunira omne septimana.
Le reunion constitutive sera le proxime 28 de februario e le conclusion del
labores es previdite postea circa un anno.

Le italianos.

Inter le 66 membros titolar del Convention con plen derecto de voto le
italianos sera sex.
Giuliano Amato como Vicepresidente, Gianfranco Fini, Vice Premier italian,
in representantia del Governamento, Lamberto Dini e Marco Follini in
representantia del Parlamento Italian, in plus, designate per le
Europarlamento, Antonio Tajani e Cristina Muscardini.

In un commento del Frankfurter Rundshau (socialdemocratic) le nomina de Fini
obligara le altere paises a revider eventual lor nominas de membros de
secunde rango. Un contribution italian e un signo de respecto pro iste
assemblea.

Un evenimento meraviliose!
Le presentia del 39 Delegatos del Paises candidate al allargamento del UE
es, pro me, un aspecto que exprime le essentia del idea Europa, un union
inter paises al mesme nivello.

Mario


_________________________________________________________________
Scarica GRATUITAMENTE MSN Explorer dall'indirizzo
http://explorer.msn.it/intl.asp.