Del jornal "Folha de São Paulo" (04/11/2003)
http://www1.folha.uol.com.br/fsp/brasil/fc0411200302.htm
LULA ANNUNCIA "IMPOSTO ZERO" PRO LE PRODUCTOS ANGOLAN
In duo discursos emmotional in Anglola, emphatizante le redemption del
"debita politic, moral e historic de Brasil in relation a Africa", le
presidente Luiz Inácio Lula da Silva annunciava heri le intention de
eliminar le impostos de importation e de augmentar le lineas de credito
official pro financiar interprisas brasilian in paises paupere.
"Nos va studiar formulas compatibile con le regulas del OMC (Organisation
Mundial del Commercio), que permitte al productos del paises plus paupere
lor entrata disimpedite in le mercato brasilian", diceva Lula in le
Assemblea National de Angola.
Ancora in su discurso, Lula addeva que il ja ha un "structura juridic" pro
isto e citava le Systema General de Preferentias del OMC pro paises in
disveloppamento. Iste systema permitte que paises paupere face concessiones
commercial inter se sin deber extender los al riccos.
Le ministro del Disveloppamento, Luiz Fernando Furlan, specificava plus
tarde que le expression "entrata disimpedite", usate per Lula, significa
"tarifa zero" pro le productos angolan. Ille solo non sapeva dicer que typo
de producto le pais angolan, que veni de exir de decades de guerras,
esserea o essera capace de exportar al Brasil. Le economia angolan es
totalmente basate super le petroleo. Brasil exportava a Angola in 2002 un
total de US$ 199,4 milliones, lo que corresponde a minus de 5% del
importationes angolan. Mais illo importava solo US$ 11,6 milliones.
Le ministro del Relationes Exterior, Celso Amorim, addeva que, ultra le
OMC, Brasil debera tamben consultar le Mercosud (Argentina, Uruguay e
Paraguay), a causa del Tarifa Externe Commun del bloco. Consequentemente,
lo que Lula annunciava non esseva plus que "manifestation politic".
Furlan dava le dimmension strategic del concession de facilitates al
angolanos: "Avantiar le projecto politic definite per le presidente [de
approximation con Africa] exige fundamentos economic que debe esser
complite". Amorim addeva: "Es un vision nove, un optica generose de Brasil
in relation a Africa".
Quanto al lineas de credito del BNDES (Banco National de Disveloppamento
Economic e Social), Lula diceva, sin specificar valores, que le objectivo
es adjutar a financiar le construction o melioration de obras de
infrastructura physic, como portos, ferrovias, stratas e vias hydric.
Illos es sectores que esseva destruite o fortemente afficite per le
guerras, un per le independentia de Portugal, finalmente conquirite in
1975, e le altere, le civil, que solo finiva le anno passate.
Lula esseva assatis applaudite in le Assemblea National, que ha 220
deputatos, del quales 36 feminas. Al minus 20 de illas se distaccava heri
in le pleno per le vestes typic multo colorite, con turbanes.
Le applausos se faceva principalmente quando ille convocava le paises
paupere a unir se contra le protectionismo del paises ric e defendeva
"regulas plus juste pro le commercio international". "Es fundamental que le
paises in disveloppamento se uni e se coordina in le campo del
negotiationes commercial, como in le OMC."
"Es inadmissibile que le sectores in le quales le paises in disveloppamento
es plus competitive suffre le protectionismo del paises industrializate o
mesmo confronta le concurrentia disloyal del subsidios millionari", ille
diceva.
Lula parlava super le sclavitude in Brasil: "Le prime ligamine inter mi
pais e iste continente non esseva illo del libertate, mais illo del
sclavitude. Iste facto ha lassate cicatrices profunde in nostre societate".
Le secunde discurso de Lula esseva in le "Incontro Interprenditorial
Brasil-Angola: Commercio e Investimentos", quando ille tamben usava le tono
del "redemption del debita" de Brasil in relation a Africa.
|
