Car amicos!

Hodie, le 14 de decembre a 19.30, in TV2 de Svedia,  il habera un programma re le peregrinages de Tuy, al frontiera portugese, a Santiago de Compostela in Espania del nord-west. Iste anno un gruppo de interlinguistas participava e illes parlava  interlingua durante le excursion a pede que durava un septimana. Le distantia pare esser circa 100 km secundo un atlas.  Isto anque es mentionate in Actualitates-Interlingua i Norden no 150 que arrivara tosto al membros nordic. 
Le proxime peregrinage evenira 31/7-8/8 2004 e le presidente de UMI, Barbara Rubinstein, ha proponite que membros de omne paises, si possibile, deberea participar. Regrettabilemente isto es le tempore normal pro incontros nordic ma il non ancora ha ulle decisiones re le incontro 2004.

Erik Enfors 
Vallåkergat.25 
SE-432 37 VARBERG 
Svedia
Tel: +46 (0)340-875 45 
e-post: erik.enfors(at)telia.com  [substitue (at) con @]