piet cleij wrote:

>Io sape que nostre lista Interlng non es le loco apte pro entrar in
>discussion con Alexander. Forsan le coollist poterea esser un foro plus
>adequate. Pro iste ration io non va essayar de refutar extensemente su
>accusationes e reproches. Io va restringer me a solmente pauc punctos de su
>message.
>

Ego gaude de dicer que il existe un lista apte, le "auxlang" ubi on pote
discuter de varie linguas auxiliar - e on pote usar anglese, su
auxilingua favorite o un altere idioma, sub le condition que le
majoritate comprende.

Ego ha in facto ipse scribite in le "fenestra verso Europa" ma ego lo ha
facite in interlingua, viste que mi francese es solo un cosa passive.
Ergo ego ha scribite in interlingua, e forsan mesmo in esperanto in le
fenestra verso Europa.

Quando ego ha vidited critica contra interlingua - e critica que es
false, ego ha refutate lo - in interlingua. Ration: Mesmo si ego
scribeva fluente- e expressivemente in francese, ego non poterea
cinvincer alcuno qui non comprende le rolo del vocabulario internal,
etc, etc. Per consequente ego ha scribite in interlingua. Illes qui
comprende le texto in interlingua anque, sperabilemente, comprendera le
idea que illo porta, illes qui non comprende e jam es partial (con bias)
pro esperanto, non comprendera. Isto es un poco como un religion.

On debe comprender que il es un tremende effortio apprender un lingua, e
il non es facile, mesmo psychologicamente, subito lassar lo al favor de
un altere lingua, e de facto isto es un attitude un poco estranie. Ego
non rejecta mi superficial cognoscentia del russo solo proque ego anque
ha apprendite le polonese. Ego anque non es un "polonista" qui es del
opinion que tote Europa debe apprender le polonese, illo _es_ difficile!
Pote on non haber le mesme attitude in linguas auxiliar. Evidentemente
esperanto ha su avantages e interlingua le sues. Lassa nos acceptar le
differentias e erradicar le prejudicios! Isto on face ben in le lista
"auxlang". Illo es anque apud le "maelstrom".

Amicalmente de un nubilose Uppsala

Kjell R