Car amicos

Multe gratias pro le bon desiros e parolas affabile, que io non merita a
causa de mi anniversario. 

Forsan le plus nove membros non me cognosce, il es ver, recentemente io
scribe a hic rarmente, forsan proque io transponeva mi activitate plus tosto
a mi blog in interlingua 

http://zalaegerszeg.blogspot.com 

, ubi se trova ja multe articulos desde 2005-2006. Vole ben leger los, totes
es exclusivemente in interlingua e io accepta commentarios mesmo de vetule
articulos (super le quales io essera informate per le systema del sito de
blogs). A vices io publicava alicun mi articulos tamben a hic e alora veniva
plus de commentarios a hic, que a mi blog, ma io non volerea publicar tote
mi articulos duplemente proque assi le importantia de mi blog perderea,
continente le mesme articulos de me in INTERLNG. 

In ultra io es active in le chat de interlingua, que ha sessiones regular le
mercuridis e sabbatos in le vespere europee (io sempre invia a hic le
informationes technic super le datos e como a adjunger se al chat), lege
istos e age secundo istos. Io invita tote vos chattar in scripto in nostre
lingua commun interlingua!

33 annos volava via rapidemente e in le dies de mi anniversarios io sempre
constata, que io deveniva de novo plus vetule con un anno. Dunque mi
"testamento" es iste duo: que vos lege interlingua in mi blog, scribe
commentarios e sia active in le chat de interlingua! :-)

De novo multe gratias pro le bon desiros, Deo sia con vos totes!

Péter Kovács

--
Archivos e disabonar: http://listserv.icors.org/archives/INTERLNG.html