Martijn Dekker scribeva:
> De accordo que un tal discussion es multo necessari. Io non sape si mi
> message esseva de alcun importantia special, viste que le tono e
> motivation proveniva de mi frustration profunde. Forsan un expression
> de frustration profunde es lo que se necessitava... le futuro lo
> monstrara. Pro le momento io pensava simplemente que nihil que io pote
> facer poterea pejorar le situation ancora plus.
Martijn, un de mi motto favorite es: "io non vole dar consilio a te,
quia io es certe que tu es assatis habile in committer errores pro conto
proprie". O alsi: "vole ben non sequer me, io mesme me disviava".
Benvenite (o bentrovate) in le Republica del Relativistes Agnostic, ubi
naturalmente "il non ha Papa". Totevia io desde plure annos es de acordo
con Jan in re le prioritates de nostre parve communitate, e io opina de
haber dicite isto plure vices.

>> Ubi? - Iste foro evidentemente non es apte pro tal discussiones. Nunc
>> illo plus sembla un scena ubi le sport es a discuter le lingua per se
>> e non su futuro. Le
>> veteranos plus erudite manca.
>
> Proque es isto un impedimento? Certo tal discussiones non deberea
> limitar se al veteranos. Un discussion inter segmentos plus ample del
> parlantes de interlingua me sembla necessari. Io pensa que il esserea
> un excellente cosa, si se discuterea le futuro de interlingua inter
> participantes toto normal, in alcun foro como iste. Mi sperantia es
> que un tal discussion poterea de facto revivificar le lingua inter le
> participantes in internet.

Si on accepta le discurso in re le prioritates de IA, le consequentia
logic es: INTERLNG in iste momento non perseque le prioritates que Jan,
io e alteres qui totes hic cognosce ma qui plus non participa a iste
forum vole (wow, io establiva le record de IA pro le extension de un
phrase correlative!). Particularmente io opina que le transvasamento de
argumentos e polemicas ex collateralista a qui (vole ben notar le
spatio...) esseva mortal. Pejo de un delicto, un error...

>
>> Interlng me non plus place. Illo in plus es
>> troppo primitive technicalmente. Le foro desirabile debe permitter
>> attachamentos como p. ex.illustrationes.
>
> Ma Janne, tu ha dicite isto ja mille vices, e nos ja lo sape! Le facto
> es que non multos te ha supportate in isto. Personalmente io pensa que
> le litteras A-Z, plus alcun signos de punctuation, suffice multo ben
> pro poter discuter qualcunque cosa in interlingua. A me, le manco de
> omne distraction rende un foro multo plus confortabile.

No, io mesme diceva isto alcun vices, etsi con minor fortia de Janne. In
omne caso, le limitation technic plus grande es le absentia de controlo
del filones e sub-filones.
>
> Le messages in texto simple lassa etiam al recipientes le controlo
> super como monstrar los in lor schermos individual. Non tote le
> personas es identic. Un persona con mal oculos, per exemplo, pote
> facer visualisar se tote le messages in un mesme typo, color e grandor
> de litteras de su preferentia, optimal e confortabile a ille
> personalmente, sin esser lassate al mercede del preferentias del
> autor. Mi opinion es que le controlo super como se monstra le messages
> de un lista de discussion per e-mail pertine propriemente al
> recipientes, non al autores.
Excusa Martijn, isto non es un bon argumento. Si tu prohibi p.ex. le
audio quia alcun de vetule interlinguistas es surde, le risultato essera
que tu non habera unquam nove visitatores con bon aures... o no?
>
> Si un illustration es de facto necessari, nihil te impedi de cargar lo
> in alcun sito web e inserer postea le adresse URL correspondente in un
> message que tu invia al lista. Tu pote usar tu proprie sito web, o
> cercar "free image hosting" in Google pro seliger inter un massa de
> alternativas.

Iste procedura es appellate "amicabile al usator" in Microsoft...

>
> Como dicite antea, io esserea ben preste a cambiar le configuration
> del lista pro permitter le inclusion de diverse typos, colores e
> grandores de litteras si existe inter le membros un appoio plus que
> trivial a favor de iste cambiamento, ma (ultra te) necuno me jammais
> lo ha demandate. Le repetitiones del mesme criticas, veniente sempre
> del mesme singule persona, non servi de facto a convincer me. Alora,
> si altere personas de facto es de accordo con Janne: scribe nunc pro
> appoiar su proposition!

Io voleva sol confirmar mi appoio a Jan. Ma si nos non appoia le
premissa del prioritates, mutar forum servira a nihil.

CVRA VT VALEAS
robocap

P.S. io desira facer notar que, dum nos discuteva plus o minus
amabilmente de nihil, Cina decideva de transferer in Tibet un altere
million de colonos e impartiva un sanguinose gyro de vite al Uzgures,
Russia invadeva Georgia e, per le prime vice in 10 annos, le economia
europee regredeva. Isto me rememora de quando le rege del Erules,
Odoacre, se presentava al portas del palatio de Romolo Augustolo, ultime
imperator de Roma. Odoacre diceva de voler parlar con le imperator, e
tosto se presentava un functionario dicente a Odoacre de plenar un
formulario de petition de colloquio in 6 copia...

--
Archivos e disabonar: http://listserv.icors.org/archives/INTERLNG.html