Stanley Mulaik wrote:
> Alcun humor, Maddi:
>
> Si il ha un mappa del location de cata interlinguaista, le
> esquadras de assassinos del esperantistas va saper ubi a
> trovar nos!

Plure personas durante le incontro nordic de interlingua me demandava an
il es possibile haber un adressario del interlinguistas, assi que uno
pote saper si il ha interlinguistas qui vive proxime a ille.
Isto es solmente un experimento e io non sape si illo es un bon maniera
pro construer un adressario; ma al minus, il es facile vider an il ha
alicuno proxime a te.
Io trova que iste mappa es commode perque cata uno es libere de scriber
le informationes que ille desira -- e il non es necessari esser
totalmente precise con le adresse, lo que importa es lassar alicun
possibilitates de contacto.

> O illes va ridiculer nos pro esser tanto pauc.

Si, isto es secur! Ma de facto, on debe initiar in alicun maniera! :-)
Le pauchessa del personas in le mappa es le ratio pro le qual io hesita
a publicar lo in www.interlingua.com -- ma io non crede que nos debe
preoccupar nos troppo de isto: il es normal que non totes volera esser
contactate, ergo io expecta que le numero del interlinguistas apparente
in le mappa essera multo basse.

Ciao,
   Alberto

--
http://www.mardy.it <- geek in un lingua international!

--
Archivos e disabonar: http://listserv.icors.org/archives/INTERLNG.html