Io es un poco stupefacite que plure personas obviemente ha colligite
numerose errores in listas e placiate los in Facebook, in sitos etc., ma
non ha inviate lo directemente a illes qui pote facer le correctiones.

Le tono in iste discussion me pare haber un poco hostil. Le realitate es
que nos omnes in le UMI (e in omne organisationes de interlingua in
general) labora absolutemente voluntari e sin pagamento e usa nostre
tempore libere (e a vices limitate) pro facer lo que nos possibilemente
pote - e nos non reposa, io pote provar. Ma accepta, per favor, que il
ha possibilemente altere cargas de prioritate plus alte que debe esser
finite primo.

Assi prende un attitude positive e adjuta: Como mentionate, le adresses
individual de e-posta de nos omnes es publicate in cata Panorama - il es
multo facile contactar nos directemente, si un canal de communication
non sembla functionar.

Nos omnes ha un interesse commun in augmentar le qualitate del uso de
interlingua - in materiales, in parlar, in tote connexiones.

Como scribite heri: Invia nos - de novo - le correctiones in un formato
facile a comprender, e nos facera los si tosto como possibile ... como
in omne altere connexiones.

Si nos omnes collabora in un attitude positive e pote dedicar nostre
energia a resultatos (in vice de guastar un medie hora pro discussiones
como isto), nos pote vermente facer un differentia in commun. Isto es
anque le maniera le plus inspirante a laborar con interlingua.

Multe gratias pro le bon collaboration futur de vos omnes - pro le bon
de interlingua.

Con mi optime salutes
Thomas Breinstrup


--
Pro leger le archivos e pro modificar o cancellar le subscription:
http://listserv.icors.org/archives/interlng.html